Koutou Gāue Fakaleleiʼi Tokotou Telituale
1 ʼI te ʼu koga meʼa ʼaē ʼe nonofo ai te hahaʼi, ʼe tou tautau maʼu ai te ʼu kiʼi matani gāue, ohage ko he fale koloā, pe ko he fale kai. Kapau ʼe tonu ke fai fakatahi te ʼu fale ʼaia mo te telituale, pea ʼe tonu ke koutou ʼaʼahi nātou ohage pe ko takotou ʼaʼahi te hahaʼi ʼaē ʼe nonofo ʼi ai.
2 ʼE feala ke koutou fakaʼaogaʼi he faʼifaʼitaki faigafua pea mo nounou, ʼo lagi koutou ʼui fēnei: “ ʼE ʼi ai te meʼa ʼe ʼau fia fakahā atu.” Kapau ʼe ʼasi mai ʼe maʼumaʼua te pule ʼo te ʼapi ʼi te temi ʼaia, koutou foaki age he kiʼi pepa lotu pea koutou ʼui age ki ai: “ ʼE ʼau toe fia liliu mai ʼi he ʼaho ʼe mole ke maʼumaʼua ai, heʼe ʼau fia ʼiloʼi tau manatu ʼo ʼuhiga mo te kiʼi pepa lotu ʼaenī.”
3 ʼE mole tonu ke tou tuʼania mokā tou fai te gāue ʼaia. Neʼe fakamatala fēnei e te kaugā fai faka mafola: “Neʼe ʼau manatu ʼe mole nātou tali lelei anai. Kae, neʼe ʼau punamaʼuli ʼi te tali lelei e te hahaʼi te logo ʼo te Puleʼaga. Neʼe nātou aga fakaʼapaʼapa pea mo agalelei pea neʼe teitei pe ke nātou toʼo fuli te ʼu nusipepa.”
4 Ko te fafine ʼe gāue ʼi te fale faifakatau fale, neʼe ina fakaafe te kau Fakamoʼoni ki tona pilō. Neʼe ina tali te ʼu nusipepa pea neʼe ina fakahā age, ʼe ina loto ke fai hana ako Tohi-Tapu. Neʼe fakahā age e te kau Fakamoʼoni te tohi Te ʼAtamai Mālama, pea neʼe foimo kamata atu aipe te ako, ʼo fai ʼi tona pilō!
5 Ko te fakatuʼutuʼu ʼaē ke koutou gāue fakaleleiʼi tokotou telituale, ʼe kau kiai te ʼaʼahi ʼo te hahaʼi ʼaē ʼe gāue ʼi te telituale ʼaē ʼe koutou fai faka mafola ai. (Gāue 10:42) Koutou fakatuʼutuʼu ke koutou ʼaʼahi te ʼu hahaʼi ohage pe ko takotou fai mokā koutou fai faka mafola ʼi te ʼu ʼapi. ʼE toe ʼāsili lelei anai takotou fagonogono ʼi tokotou telituale, pea ʼe lahi anai te ʼu tapuakina ʼaē ka koutou maʼu ʼi takotou fagonogono ʼaia!