Polokalama ʼo Te Ako ʼo Te Minisitelio Faka Teokalatike Ki Te Taʼu 1997
TE ʼU AKONAKI
ʼI te taʼu 1997, ko te ʼu fakatuʼutuʼu ʼaē ʼe hoa mai ʼe fakaʼaogaʼi anai ʼi te Ako ʼo Te Minisitelio Faka Teokalatike.
KO TE ʼU TOHI: Les Saintes Écritures — Traduction du monde nouveau [bi12], Les Témoins de Jéhovah: Prédicateurs du Royaume de Dieu [jv], “Toute Écriture est inspirée de Dieu et utile” [si], Te ʼAtamai Mālama ʼAē ʼe Ina Taki Ki Te Maʼuli Heʼegata [kl], pea mo te ʼu koga ʼo te Insight on the Scriptures Tohi 1 [it-1] ʼaē ka hā anai ʼi Te Minisitelio ʼo Te Puleʼaga ʼo fakatafito kiai te akonaki.
Ko te ako ʼe tonu anai ke kamata TAUTONU ʼaki te katiko, mo te faikole, pea mo te ʼu fakamālo pea ʼe hoko fēnei anai:
AKONAKI N° 1: Minuta e 15. Ko te akonaki ʼaia ʼe tonu anai ke fai e he tagata ʼāfea pe ko he tagata faifekau faka minisitelio ʼe faiva, pea ʼe fakatafito anai ki te tohi Les Témoins de Jéhovah: Prédicateurs du Royaume de Dieu peʼe ko te tohi “Toute Écriture est inspirée de Dieu et utile.” Kapau ʼe fakatafito te akonaki ʼaē ʼe kamata ʼaki te fono ki te tohi Prédicateurs, ʼe tonu anai ke fai ia minuta e 15 ʼo mole fai he fakamanatu; kae kapau ʼe fakatafito te akonaki ʼaia ki te tohi “Toute Écriture,” ʼe tonu anai ke fai ia minuta e 10 ki te 12 pea fai he fakamanatu ia minuta e 3 ki te 5, ʼo fakaʼaogaʼi te ʼu fehuʼi ʼaē ʼe tuʼu ʼi te tohi. Ko te fakatuʼutuʼu ʼo te akonaki ʼaia ʼe mole gata pe ʼi te fakamatala fuli ʼo te palalau, kae ʼe tonu foki ke kita faigaʼi ke kita fakahā te ʼaoga ʼo te akonaki ʼaia, pea mo te ʼu puani ʼaē ka ʼaoga tāfito anai ki te kokelekasio. Ko te kupu tāfito ʼaē ka fakahā ʼe tonu anai ke fakaʼaogaʼi. Ko te ʼu faʼifaʼitaki, te ʼu paki, te ʼu mape ʼaē ʼe tuʼu ʼi te tohi Prédicateurs, ʼe feala ke fakamatalatala e te tēhina ʼaē ʼe ina fai te akonaki pea mo ina fakaʼaogaʼi moʼo lagolago ki tana akonaki.
Ko te ʼu tēhina ʼaē ka nātou fai anai te akonaki ʼaia, ʼe nātou tokakaga anai ʼo mulimuli lelei ki te temi ʼaē ʼe tuku age kia nātou. ʼE tokoniʼi faka ʼāteaina anai nātou mo kapau ʼe ʼaoga pea mo kapau ʼe kole age e te tēhina ʼaē neʼe ina fai te akonaki ʼaia.
TE ʼU PUANI MAʼUHIGA ʼO TE TOHI-TAPU: Minuta e 6. Ko te koga ʼaia ʼe tonu anai ke fai e he tagata ʼāfea peʼe ko he tagata faifekau faka minisitelio, ʼe poto lelei ʼi te fakaʼaluʼalu ʼo te ʼu manatu ʼo te akonaki ke ʼalutahi mo te ʼu meʼa ʼaē ʼe ʼaoga ki te kokelekasio. ʼE mole ko he fakamanatu pe ia ʼo te koga ʼaē neʼe tuku mai ke lau. Ko te toe fakamanatu ʼo te ʼu kapite ʼaē neʼe hinoʼi ke lau ʼe faka tuʼakoi anai kia sekonita e 30 peʼe 60. Kae, ko te fakatuʼutuʼu tāfito, ko te tokoni kia nātou ʼaē ʼi te fono ke nātou mahino pe koʼe ʼe ʼaoga pea mo ʼaoga feafeaʼi te ʼu faʼahi ʼaia kia nātou fuli. Ko te tagata taupau ʼo te ako ʼe ina fekauʼi anai te kau ako ke nātou ʼolo ki tonatou ʼu kalasi.
AKONAKI N° 2: Minuta e 5. ʼE ko te lau ʼo te Tohi-Tapu ʼe fai anai e he tēhina. Ko te fakatuʼutuʼu ʼaia ʼe fai anai ʼi te ʼuluaki kalasi ʼo feiā ai foki mo te tahi ʼatu ʼu kalasi. ʼI te agamāhani, ko te koga tohi ʼaē ʼe lau ʼe nounou ke faigafua ai kia ia ʼaē ʼe ina lau ke ina fakahā hana ʼu manatu, ʼi te kamata, pea mo te fakaʼosi. ʼE feala hana palalau ki te faʼahi faka hisitolia, ki tona ʼuhiga faka polofeta peʼe ko tona ʼuhiga faka lotu, pea mo ina fakahā peʼe feafeaʼi te maʼuliʼi ʼo te ʼu pelesepeto ʼaē ʼe talanoa kiai te koga tohi. Ko te ʼu vaega fuli ʼaē neʼe hinoʼi ke lau ʼe tonu anai ke lau ʼi te temi pe e tahi. ʼE mahino ia, kapau ʼe mole fehoahoaʼaki te ʼu vaega ʼaē ʼe tonu ke lau, pea ʼe tonu anai kia ia ʼaē ʼe faiakonaki ke ina fakahā te vaega ʼaē ʼe hoko atu ai te lautohi.
AKONAKI N° 3: Minuta e 5. Ko te akonaki ʼaia ʼe tuku age anai ki he ʼu tuagaʼane. Ko te ʼu puani tāfito ʼo te akonaki ʼaia ʼe fakatafito anai ki te tohi Te ʼAtamai Mālama ʼAē ʼe Ina Taki Ki Te Maʼuli Heʼegata. Ko te ʼaluʼaga ʼo te fai palalau ʼe feala ke fai ohage ko he fagonogono faigamālie, pe ko he ʼaʼahi pe ko he ako Tohi-Tapu, pea ʼe feala hanā fai ʼo heheka peʼe tutuʼu. ʼE tokaga tāfito anai te tagata taupau ʼo te ako ki te faʼahiga tokoni ʼaē ʼe fai e ia ʼaē ʼe fai palalau ki tona kaugā fagona ʼo ʼuhiga mo tana fakakaukauʼi pea mo tana fakamahino ʼo te faʼahi ʼaē neʼe hinoʼi age ki ai, ʼo feiā mo te faʼahiga fakaʼaogaʼi ʼo te ʼu vaega faka Tohi-Tapu. ʼE mole fakamaʼua ke lau te ʼu palakalafe ʼo te tohi. ʼE hinoʼi anai e te tagata taupau ʼo te ako he tahi ke nā fai fakatahi te fai palalau, kae ʼe feala ke toe kau kiai mo he tahi kehe. ʼA ia pe ʼaē ʼe ina fai te fai palalau te fili peʼe ina fakalau peʼe kailoa ʼihi ʼu palakalafe kia ia ʼaē ʼe nā felogoi. Ko te meʼa ʼaē ʼe maʼuhiga tāfito ko te fakaʼaogaʼi lelei ʼo te ʼu puani ʼo te fai palalau, kae mole ko te ʼaluʼaga ʼo te fai palalau.
AKONAKI N° 4: Minuta e 5. ʼE tuku age anai ki he tēhina peʼe ko he tuagaʼane. ʼE fakatafito anai te akonaki ʼaia ki he tagata pe ko he fafine ʼe talanoa ki ai te Tohi-Tapu. Ko te higoa ʼo ia ʼaia ʼe talanoa ki ai te Tohi-Tapu pea mo te kupu tāfito ʼe tuʼu anai ʼi te polokalama. ʼE feala anai ke tou maʼu he puani ʼi te pepa ʼaē ʼe ʼalutahi mo Te Minisitelio ʼo Te Puleʼaga, ʼo ʼuhiga mo te tagata ʼaia pe ko te fafine ʼaia, ʼo koutou kumi ki tona higoa. Ko ia ʼaē ka ina fai te akonaki ʼaia ʼe tonu anai ke ina vakaʼi te ʼu vaega faka Tohi-Tapu ʼaē ʼe tuʼu ai, ke feala hana mālama lelei ki ai—ki te ʼu meʼa ʼaē neʼe hoko ʼi tona maʼuli, ʼo feiā aipe mo tona ʼulugaaga pea mo tana ʼu aga. ʼOsi ʼaia, pea ina teuteuʼi fakalelei anai tana kupu tāfito pea mo fili lelei te ʼu vaega ʼaē ka ina fakaʼaogaʼi. ʼE toe feala pe foki ke ina hilifaki kiai he tahi ʼu vaega ʼe faka maʼuhigaʼi ai te ʼu pelesepeto faka Tohi-Tapu ʼo mulimuli ki tana kupu tāfito. Ko te fakatuʼutuʼu ʼo te akonaki ʼaia, ʼe ko te fakahā mai kia tatou pe koteā te meʼa ʼaē ʼe tou ako mai te faʼifaʼitaki ʼaia ʼo te Tohi-Tapu. Ko he ʼu gāue agatonu, he lototoʼa, he agavaivai pea mo he tokaga ki niʼihi, ʼe ko he ʼu faʼifaʼitaki lelei ʼaia ke tou mulimuli kiai; kae ko te heʼe agatonu, pea mo te ʼu aga ʼaē ʼe kovi ʼe ko he ʼu fakatokaga mālohi ʼaia ke līaki e te kau Kilisitiano te ʼu aga ʼaia. Ka foaki te akonaki ʼaia ki he tēhina, pea ʼe tonu ke ina fai ʼo ina manatuʼi te hahaʼi fuli ʼaē ʼe ʼi te fale fono. Kapau ko he tuagaʼane, pea ʼe mulimuli anai ki te ʼu tokoni ʼo te Akonaki N° 3.
TE ʼU TOKONI PEA MO TE ʼU FAKATOKAGA: ʼI te ʼosi ʼo te ʼu akonaki, ʼe foaki anai e te tagata taupau ʼo te ako he ʼu tokoni totonu, pea ʼe mole ko he maʼua kia ia ke ina muliʼi te fehoahoaʼaki ʼo te puani ʼaē ʼe tuʼu ʼi te pepa feuille de conseils oratoires. Kae, ʼe tonu ke ina vakaʼi tāfito te ʼu puani ʼaē ʼe tonu ke gāueʼi e ia ʼaē ʼe ako. Kapau ʼe ʼaoga ke ʼai he “Lelei” (L) kae ʼe mole maʼu ʼi tana pepa te ʼu tokoni ohage la ko te “F” (Fai ke lelei) peʼe “G” (Gāueʼi te puani ʼaia), ko te tagata taupau ʼo te ako ʼe ina fakahā anai ʼi te pepa ʼaia te puani ʼaē ʼe tonu ke tokaga kiai, ʼe ina vakaʼi anai peʼe ko te “L,” peʼe ko te “F,” peʼe ko te “G.” ʼE ina fakahā anai kia ia ʼaē neʼe faiakonaki ʼi te afiafi pe ʼaia pe neʼe feafeaʼi tana akonaki, pea ʼe ina fakahā age anai ki ai te puani ʼaē ʼe tonu ke ina gāueʼi pea mo ina tohi ʼi te pepa ʼaē ʼe tufa ki te Ako Faka Minisitelio Faka Teokalatike (S-89) mokā ina foaki kia ia, ʼo ʼuhiga mo hana tahi akonaki. Ko nātou fuli ʼaē ʼe ʼi ai tanatou akonaki ʼe tonu ke nātou heheka ʼi te ʼu ʼatu muʼa ʼo te fale fono ʼo te Puleʼaga. ʼE mole puli anai te temi pea ʼe faigafua anai ki te tagata taupau ʼo te ako tana tokoniʼi fakahagatonu ia nātou. Kapau ʼe maʼu he temi, ʼi te ʼosi foaki ʼo te ʼu tokoni ʼaē ʼe ʼaoga kiai, ʼe feala anai ki te tagata taupau ke ina fakahā he ʼu manatu ʼe ʼaoga, peʼe ko he ʼu puani neʼe mole fakahā e ia ʼaē neʼe ina fai te akonaki. Ko te tagata taupau ʼo te ako ʼe tokaga anai ke ʼaua naʼa fakalaka tana ʼu tokoni pea mo tana ʼu fakatokaga ia minuta e lua ʼi te ʼosi ʼo te ʼu akonaki. Kapau ʼe tonu ke tokoniʼi te tēhina ʼaē neʼe ina fai te ʼu puani maʼuhiga, pea ʼe tokoniʼi faka ʼāteaina anai ia ia.
TEUTEUʼI ʼO TE ʼU AKONAKI: ʼI muʼa ʼo te teuteuʼi ʼo he akonaki neʼe hinoʼi ki te kau ako ʼe tonu anai ke nātou lau fakalelei te ʼu manatu ʼo te tohi Manuel pour l’école ʼo ʼuhiga mo te puani ʼaē ʼe tonu ke nātou gāueʼi. Ko te kau ako ʼaē ʼe hinoʼi ki te lua akonaki ʼe tonu anai ke nātou kumi he kupu tāfito ʼe ʼalutahi mo te koga ʼo te Tohi-Tapu ʼaē ʼe nātou lau. Ko te ʼuluaki akonaki, te tolu pea mo te fā, ʼe mulimuli anai ki te kupu tāfito ʼaē kua ʼosi tohi ʼi te polokalama.
TONA LOALOAGA: ʼE mole tonu anai ke fakalaka te ʼu akonaki ʼi te ʼu minuta ʼaē kua tuku age, ʼo toe feiā mo te temi ʼaē ʼe fai ai te ʼu fakatokaga pea mo te ʼu tokoni ʼa te tagata taupau ʼo te ako. Ko te ʼu akonaki n° 2 mo te 4 ʼe fakagata anai mo kapau ʼe loaloaga fau. Ko te tēhina ʼaē kua hinoʼi ke ina fakahā te fakalaka ʼo te temi, ʼe tonu ke ina foimo fai fakavilivili te faʼahi ʼaia. Kapau ʼe loaloaga fau te fai e te ʼu tēhina te akonaki n° 1 pea mo te ʼu puani maʼuhiga ʼo te Tohi-Tapu, ʼe tonu anai ke tokoniʼi ʼāteaina ia nātou. ʼE tonu anai ke tou tokakaga ʼo mulimuli lelei ki te ʼu minuta ʼaē neʼe tuku mai. Ko te loaloaga ʼo te ako ʼe ko minuta e 45, ʼo mole lau kiai te katiko pea mo te faikole.
FAKAMANATU ʼO TOHI KI HE PEPA: ʼE fai tuʼumaʼu anai te ʼu fakamanatu ʼo tohi ki he pepa. Ke feala hakotou teuteuʼi, koutou toe vakaʼi te ʼu manatu ʼaē neʼe koutou akoʼi pea mo fakaʼosi takotou lau te koga ʼo te Tohi-Tapu ʼaē neʼe hinoʼi. ʼE ko te Tohi-Tapu tokotahi pe ʼaē ʼe tonu ke fakaʼaogaʼi ki te fakamanatu ʼaia ia minuta e 25. Ko te toe ʼo te temi ʼe fakaʼaogaʼi anai ki he fai palalau ʼo fai ʼaki he ʼu fehuʼi pea mo he ʼu tali. ʼE tou tahi vakaʼi anai tatatou pepa peʼe tonu peʼe kailoa. ʼE vakaʼi fakatahi anai e te tagata taupau ʼo te ako mo nātou ʼaē ʼe ʼi te fono te ʼu tali ki te ʼu fehuʼi ʼo te fakamanatu pea mo tuʼu ʼi te ʼu fehuʼi ʼaē ʼe faigataʼa tāfito, ʼo tokoni kia nātou fuli ke nātou mahino lelei ki te ʼu tali. Kapau ʼe ʼi ai he ʼu fihifihia, ko te fakamanatu ʼaia ʼe feala hona toe holo atu ʼi he vāhaʼa e tahi ki te ʼaho ʼaē neʼe fakatuʼutuʼu kiai ʼi te polokalama.
POLOKALAMA
6 Sanualio Lau ʼo te Tohi-Tapu: Pesalemo 21 ki te 24
Katiko N° 113
N° 1: Ko he aga ʼe ina fakakeheʼi tatou mo te mālama (jv p. 178 § 4–p. 183 § 1)
N° 2: Soane 12:17-28
N° 3: Neʼe mole fakatuʼutuʼu ke mate te tagata (kl p. 53 § 1–3)
N° 4: Ko Alone—Kupu tāfito: Tou haga nofo agatonu māʼiape la te ʼu vaivaiʼaga ʼo te tagata
13 Sanualio Lau ʼo te Tohi-Tapu: Pesalemo 25 ki te 29
Katiko N° 215
N° 1: Te fakaʼapaʼapa ki te maʼuli pea mo te ʼu aga maʼa ʼaē ʼe tonu ke fai ʼi te Kautahi (jv p. 183 § 2–p. 187)
N° 2: Soane 12:29-43
N° 3: Ko he fakatuʼutuʼu fakamataku (kl pp. 55-6 § 4-7)
N° 4: Ko Apeteneko—Kupu tāfito: Kau tūpulaga—Koutou faka maʼuhigaʼi ia Sehova ʼaki takotou nofo agatonu
20 Sanualio Lau ʼo te Tohi-Tapu: Pesalemo 30 ki te 33
Katiko N° 135
N° 1: Ko te kau Kilisitiano moʼoni ʼe mole nātou kau ʼi te malamanei (jv p. 188-p. 192 § 2)
N° 2: Soane 12:44–13:11
N° 3: Neʼe fakahoko feafeaʼi e Satana tana fakatuʼutuʼu (kl pp. 56-8 § 8-12)
N° 4: Ko Apele—Kupu tāfito: Tou maʼuliʼi te tui ʼaē ʼe leleiʼia e te ʼAtua
27 Sanualio Lau ʼo te Tohi-Tapu: Pesalemo 34 ki te 36
Katiko N° 120
N° 1: Ko te agatonu ki te ʼAtua pea mo te mole kau ʼa te kau Kilisitiano ki te ʼu meʼa ʼo te malamanei (jv p. 192 § 3–p. 195 § 4)
N° 2: Soane 13:12-30
N° 3: Neʼe mafola feafeaʼi te agahala mo te mate (kl pp. 58-9 § 13-15)
N° 4: Ko Apiata—Kupu tāfito: Ko te heʼe agatonu ʼe feala ke ina pulihi noa he ʼu taʼu neʼe kita gāue agatonu ai
3 Fepualio Lau ʼo te Tohi-Tapu: Pesalemo 37 ki te 39
Katiko N° 42
N° 1: ʼE ʼahiʼahiʼi te agatonu faka Kilisitiano e te ʼu agaʼi fenua ʼo te malamanei (jv p. 196 § 1–p. 201)
N° 2: Soane 13:31–14:4
N° 3: Tou tokakaga ki te ʼu gāue fakakākā ʼa Satana! (kl pp. 59-60 § 16-18)
N° 4: Ko Apikaela—Kupu tāfito: Tou fakahā he ʼu kalitate ʼe faka maʼuhigaʼi ʼaki ai ia Sehova
10 Fepualio Lau ʼo te Tohi-Tapu: Pesalemo 40 ki te 44
Katiko N° 36
N° 1: Te tuputupu māmālie ʼo te kautahi ia ʼaho nei (jv p. 204-p. 209 § 1)
N° 2: Soane 14:5-21
N° 3: Tou tui pea mo nofo teuteu ʼo ʼuhiga mo te fakataga (kl pp. 60-1 § 19-21)
N° 4: Ko Apiu—Kupu tāfito: Ko he maʼu tuʼulaga ʼe mole ina fakagafua ke tou talagataʼa
17 Fepualio Lau ʼo te Tohi-Tapu: Pesalemo 45 ki te 49
Katiko N° 114
N° 1: ʼE nātou fakatuʼutuʼu ke nātou faka mafola te logo lelei (jv p. 209 § 2–p. 217 § 1)
N° 2: Soane 14:22-31
N° 3: Koteā ʼaē neʼe fai e te ʼAtua moʼo hāofaki ʼo te mālama (kl pp. 62-3 § 1-5)
N° 4: Ko Apisai—Kupu tāfito: Tou agatonu kia nātou ʼaē ʼe nātou takitaki tatou
24 Fepualio Lau ʼo te Tohi-Tapu: Pesalemo 50 ki te 52
Katiko N° 211
N° 1: Ko te kautahi faka teokalatike mo tona ʼu lelei (jv p. 217 § 2–p. 221 § 4)
N° 2: Soane 15:1-16
N° 3: He koʼe neʼe tonu ke mate te Mesia (kl pp. 63-5 § 6-11)
N° 4: Ko Apinea—Kupu tāfito: Ko te tagata ʼaē ʼe maʼuli ʼaki te heletā ʼe toe mate pe ʼaki te heletā
3 Malesio Lau ʼo te Tohi-Tapu: Pesalemo 53 ki te 57
Katiko N° 224
N° 1: Ko te ʼu tagata taupau feʼaluʼaki ʼe nātou fakaloto mālohiʼi te ʼu kokelekasio (jv p. 222 § 1–p. 228 § 1)
N° 2: Soane 15:17-27
N° 3: Neʼe feafeaʼi te fai ʼo te totogi (kl pp. 65-8 § 12-16)
N° 4: Ko Apalahamo—Kupu tāfito: Tou maʼuʼuli moʼo fai ʼo te finegalo ʼo te ʼAtua
10 Malesio Lau ʼo te Tohi-Tapu: Pesalemo 58 ki te 62
Katiko N° 70
N° 1: Kua toe ʼāsili tanatou mulimuli ki te teokalasia pea ʼe akoʼi te kau taupau feʼaluʼaki (jv p. 228 § 2–p. 233 § 2)
N° 2: Soane 16:1-16
N° 3: Te totogi ʼaē neʼe foaki e Kilisito pea mo koutou (kl pp. 68-9 § 17-20)
N° 4: Ko Apisalome—Kupu tāfito: Ko te fia maʼu tuʼulaga ʼe fakatupu tuʼutāmaki
17 Malesio Lau ʼo te Tohi-Tapu: Pesalemo 63 ki te 67
Katiko N° 51
N° 1: Kua nātou tokalelei ki he tuputupu fakaofoofo (jv p. 233 § 3–p. 235)
N° 2: Soane 16:17-28
N° 3: ʼE mamahi koa te tagata ʼuhi ko te ʼAtua? (kl pp. 70-1 § 1-5)
N° 4: Ko Akani—Kupu tāfito: Ko te kaihaʼa ʼo te ʼu meʼa ʼa te ʼAtua ʼe fakatupu kovi ʼaupito
24 Malesio Lau ʼo te Tohi-Tapu: Pesalemo 68 ki te 69
Katiko N° 151
N° 1: Ko he ʼu fono ʼe nātou fakafimālie te fia kai fakalaumālie (jv p. 236-p. 241 § 1)
N° 2: Soane 16:29–17:10
N° 3: Ko he kamataʼaga haohaoa pea mo te fakafifihi neʼe fakatupu kovi (kl pp. 72-3 § 6-10)
N° 4: Ko Atama—Kupu tāfito: He koʼe ʼe tonu ke tou tuku ki muʼa te ʼAtua ʼi totatou maʼuli
31 Malesio Lau ʼo te Tohi-Tapu: Pesalemo 70 ki te 73
Katiko N° 117
N° 1: Ko te Fakamanatuʼi ʼo te mate ʼo te ʼAliki (jv p. 242 § 1–p. 243 § 4)
N° 2: Soane 17:11-26
N° 3: Te ʼu fehuʼi maʼuhiga neʼe lagaʼi pea neʼe tali feafeaʼi kiai ia Sehova (kl pp. 74-6 § 11-15)
N° 4: Ko te hau ko Akape—Kupu tāfito: ʼE mole feala ke maʼu te tokalelei e te agakovi
7 ʼApelili Lau ʼo te Tohi-Tapu: Pesalemo 74 ki te 77
Katiko N° 43
N° 1: ʼE tokagaʼi te kau tūpulaga pea ʼe fakaloto mālohiʼi nātou ke nātou fai faka mafola (jv p. 244 § 1–p. 248 § 3)
N° 2: Soane 18:1-14
N° 3: Koteā ʼaē neʼe hā ʼi te fakagafua e te ʼAtua te agakovi (kl pp. 76-7 § 16-19)
N° 4: Ko te hau ko Akasi—Kupu tāfito: Ko ia ʼaē ʼe tauhi tamapua ʼe mole ina maʼu te ʼofa ʼo te ʼAtua
14 ʼApelili Lau ʼo te Tohi-Tapu: Pesalemo 78 ki te 79
Katiko N° 172
N° 1: Neʼe fakatuʼutuʼu te ʼu fono ke sisio mo logo te hahaʼi fuli (jv p. 248 § 4–p. 253)
N° 2: Soane 18:15-27
N° 3: ʼE koutou kau ʼi te faʼahi fea? (kl pp. 78-9 § 20-3)
N° 4: Ko Ahitofele—Kupu tāfito: Ko Sehova ʼe ina fakaiku noaʼi te ʼu fakatuʼutuʼu ʼa te ʼu tagata kākā
21 ʼApelili Lau ʼo te Tohi-Tapu: Pesalemo 80 ki te 85
Katiko N° 129
N° 1: Ko te ʼu fakatahi ʼe ko te fakamoʼoni ʼaia ʼo tatatou ʼofa fakatautehina (jv p. 254-p. 260 § 2)
N° 2: Soane 18:28-40
N° 3: Koteā ʼaē ʼe hoko ki tatatou ʼu mate, ʼaē ʼe tou ʼoʼofa mamahi ai? (kl pp. 80-1 § 1-6)
N° 4: Ko Amone—Kupu tāfito: Ko he manako fakasino fakavale ʼe fakatupu mamahi
28 ʼApelili Fakamanatu. Toe lau ia Pesalemo 21 ki te 85
Katiko N° 26
5 Maio Lau ʼo te Tohi-Tapu: Pesalemo 86 ki te 89
Katiko N° 205
N° 1: Ko he ʼu fakaʼiloga ʼo te tuputupu fakalaumālie (jv p. 260 § 3–p. 264 § 5)
N° 2: Soane 19:1-11
N° 3: Koteā te faka ʼuhiga moʼoni ʼo te toe liliu ki te efu (kl pp. 82-3 § 7-10)
N° 4: Ko Akila—Kupu tāfito: Tou faiva ʼi te fai faka mafola pea mo tou tali kāiga
12 Maio Lau ʼo te Tohi-Tapu: Pesalemo 90 ki te 94
Katiko N° 146
N° 1: Ko he ʼu fakatahi ʼe nātou fakaloto mālohiʼi te gāue fai faka mafola (jv p. 265 § 1–p. 268 § 3)
N° 2: Soane 19:12-22
N° 3: E feafeaʼi te ʼaluʼaga ʼo te kau mate? (kl pp. 83-4 § 11-14)
N° 4: Ko te hau ko Asa—Kupu tāfito: Tou faiva ʼi te tauhi maʼa
19 Maio Lau ʼo te Tohi-Tapu: Pesalemo 95 ki te 101
Katiko N° 185
N° 1: Ko he ʼu fakatahi ʼe mole feala ke galoʼi e te hahaʼi ʼa Sehova (jv p. 269 § 1–p. 275 § 2)
N° 2: Soane 19:23-37
N° 3: ʼE fakatuʼuake anai e Sehova ia nātou fuli ʼaē ʼe ina manatuʼi (kl pp. 85-7 § 15-18)
N° 4: Ko te fineʼaliki ko Atalia—Kupu tāfito: Tou tokakaga ki te mālohi ʼo Sesapele
26 Maio Lau ʼo te Tohi-Tapu: Pesalemo 102 ki te 104
Katiko N° 166
N° 1: ʼE fakatuʼutuʼu te ʼu fakatahi ʼi te malamanei katoa moʼo fakavikiviki kia Sehova (jv p. 275 § 3–p. 282)
N° 2: Soane 19:38–20:10
N° 3: ʼE fakatuʼuake te hahaʼi ke ʼolo kifea? (kl pp. 88-9 § 19-22)
N° 4: Ko Palaame—Kupu tāfito: Ko te mānumānu ʼe feala ke ina fakakiviʼi tatou pea mo ina taki tatou ki te meʼa ʼaē ʼe kovi
2 Sūnio Lau ʼo te Tohi-Tapu: Pesalemo 105 ki te 106
Katiko N° 42
N° 1: ʼE nātou kumi muʼa te Puleʼaga ʼo te ʼAtua (jv p. 283-p. 287 § 1)
N° 2: Soane 20:11-25
N° 3: Ko te Puleʼaga ʼa te ʼAtua pea mo tana fakatuʼutuʼu (kl pp. 90-1 § 1-5)
N° 4: Ko Palenapasi—Kupu tāfito: Tou lotomāfana pea mo loto fia foaki ʼi tatatou minisitelio
9 Sūnio Lau ʼo te Tohi-Tapu: Pesalemo 107 ki te 109
Katiko N° 33
N° 1: ʼE nātou falala kia Sehova ʼaki tonatou loto katoa (jv p. 287 § 2–p. 292 § 5)
N° 2: Soane 20:26–21:8
N° 3: Ko te Puleʼaga ʼo te ʼAtua ʼe ko he puleʼaga moʼoni (kl pp. 91-2 § 6-7)
N° 4: Ko Paluke (te sikalaipe ʼo Selemia)—Kupu tāfito: Tou tauhi kia Sehova ʼo mole tou manatu pe kia tatou totonu
16 Sūnio Lau ʼo te Tohi-Tapu: Pesalemo 110 ki te 115
Katiko N° 121
N° 1: ʼE uga nātou e te ʼofa ke nātou tauhi kia Sehova (jv p. 293 § 1–p. 298 § 2)
N° 2: Soane 21:9-19
N° 3: ʼE tou ʼiloʼi feafeaʼi ʼe moʼoni te Puleʼaga ʼo te ʼAtua (kl pp. 92-3 § 8-11)
N° 4: Ko Pati-Sepa—Kupu tāfito: Ko te hahaʼi agahala ʼaē ʼe fakahemala ʼe feala ke nātou maʼu te ʼofa ʼo te ʼAtua
23 Sūnio Lau ʼo te Tohi-Tapu: Pesalemo 116 ki te 119:32
Katiko N° 185
N° 1: ʼE nātou pionie pea ʼe nātou fakaʼaogaʼi te ʼu faigamālie moʼo fagonogono (jv p. 299 § 1–p. 303)
N° 2: Soane 21:20-25
N° 3: He koʼe ko te Puleʼaga ʼo te ʼAtua ʼe ko te ʼamanaki pe ʼaia e tahi ki te malamanei (kl pp. 94-5 § 12-13)
N° 4: Ko Pelesasā—Kupu tāfito: Tou ako ke tou agavaivai ke ʼaua naʼa tou tuʼutāmakiʼia
30 Sūnio Lau ʼo te Tohi-Tapu: Pesalemo 119:33-112
Katiko N° 65
N° 1: ʼE nātou tuputupu fakatahi ʼi te ʼofa (jv p. 304-p. 307 § 1)
N° 2: Fakahā 1:1-11
N° 3: He koʼe neʼe mole kamata pule atu aipe ia Sesu ʼi tana hake ki te lagi (kl pp. 95-6 § 14-15)
N° 4: Ko Poase—Kupu tāfito: Tou maʼa ʼi te aga ʼaē ʼe tonu ke tou fai pea mo tou tali te ʼu maʼua ʼaē ʼe foaki mai e te ʼAtua
7 Sūlio Lau ʼo te Tohi-Tapu: Pesalemo 119:113-176
Katiko N° 16
N° 1: ʼE nātou fakahā te ʼofa ki te ʼu vikitima ʼo te tau (jv p. 307 § 2–p. 310 § 2)
N° 2: Fakahā 1:12–2:7
N° 3: Neʼe kamata pea mo fakaʼosi ʼanafea te ʼu temi ʼaē kua fakakatofa ki te ʼu puleʼaga? (kl pp. 96-7 § 16-18)
N° 4: Ko Kaino—Kupu tāfito: Ko tatatou faʼahiga tali ʼo te ʼu tokoni ʼe hā ai totatou ʼuhiga
14 Sūlio Lau ʼo te Tohi-Tapu: Pesalemo 120 ki te 130
Katiko N° 166
N° 1: ʼE hā te ʼofa faka Kilisitiano mokā hoko he tuʼutāmaki (jv p. 310 § 3–p. 315 § 1)
N° 2: Fakahā 2:8-19
N° 3: Ko te ʼu ʼaho fakamuli ʼaenī (kl pp. 98-9 § 1-4)
N° 4: Ko Kalepe (foha ʼo Sefune)—Kupu tāfito: ʼE foaki e Sehova te mālohi kia nātou ʼaē ʼe fakalogo katoa kia te ia
21 Sūlio Lau ʼo te Tohi-Tapu: Pesalemo 131 ki te 136
Katiko N° 181
N° 1: Ko he famili fakatautehina ʼe logo tahi moʼo tauʼi te fakataga (jv p. 315 § 2–p. 317)
N° 2: Fakahā 2:20-29
N° 3: Koteā he ʼu agaaga ʼo te ʼu ʼaho fakamuli? (kl pp. 99-103 § 5-7)
N° 4: Ko Kolonelio—Kupu tāfito: ʼE mole fakapalatahi ia Sehova ʼAtua
28 Sūlio Lau ʼo te Tohi-Tapu: Pesalemo 137 ki te 140
Katiko N° 204
N° 1: ʼE nātou laga fale fakatahi ʼi te malamanei katoa (jv p. 318 § 1–p. 325 § 4)
N° 2: Fakahā 3:1-13
N° 3: Koteā te ʼu aga kovi ʼaē neʼe fakakikite ʼo ʼuhiga mo te ʼu ʼaho fakamuli (kl pp. 103-4 § 8-12)
N° 4: Ko Siliusi—Kupu tāfito: ʼE hoko tuʼumaʼu pe te Folafola ʼa te ʼAtua
4 ʼAukusito Lau ʼo te Tohi-Tapu: Pesalemo 141 ki te 145
Katiko N° 201
N° 1: Pesalemo: Tona ʼaoga (ʼuluaki koga) (si pp. 99-100 § 23-7)
N° 2: Fakahā 3:14-4:3
N° 3: Ko te ʼu agaaga makehe e lua ʼo te ʼu ʼaho fakamuli (kl p. 105 § 13-14)
N° 4: Ko Taniela (polofeta ʼo te ʼAtua)—Kupu tāfito: ʼE tapuakina e Sehova ia nātou ʼaē ʼe nātou pipiki kia te ia ʼaki tonatou nefesi katoa
11 ʼAukusito Lau ʼo te Tohi-Tapu: Pesalemo 146 ki te 150
Katiko N° 143
N° 1: Pesalemo: Tona ʼaoga (lua koga) (si p. 100 § 28-32)
N° 2: Fakahā 4:4–5:5
N° 3: Koteā te meʼa ʼaē ʼe tonu ke tou fai ʼi tatatou ʼiloʼi ʼaē kua tou maʼuʼuli ʼi te ʼu ʼaho fakamuli (kl pp. 106-7 § 15-17)
N° 4: Ko Tavite—Kupu tāfito: Kau tūpulaga, koutou teuteu ʼi te temi nei ke koutou tauhi kia Sehova ʼaki he lototoʼa
18 ʼAukusito Lau ʼo te Tohi-Tapu: Tāʼaga Lea 1 ki te 2
Katiko N° 106
N° 1: Tāʼaga Lea: ʼUluaki palalau (ʼuluaki koga) (si p. 101 § 1-5)
N° 2: Fakahā 5:6–6:4
N° 3: ʼE ʼi ai moʼoni te ʼu laumālie agakovi! (kl p. 108 § 1-3)
N° 4: Ko Tepola (te fafine polofeta)—Kupu tāfito: Ko he ʼu fafine agatonu ʼe nātou fakavikiviki kia Sehova
25 ʼAukusito Fakamanatu. Toe lau ia Pesalemo 86 ki te Tāʼaga Lea 2
Katiko N° 155
1 Sepetepeli Lau ʼo te Tohi-Tapu: Tāʼaga Lea 3 ki te 4
Katiko N° 143
N° 1: Tāʼaga Lea: ʼUluaki palalau (lua koga) (si pp. 101-2 § 6-11)
N° 2: Fakahā 6:5-17
N° 3: Ko he kau ʼaselo agakovi ʼe nātou kau mo Satana (kl p. 109 § 4-5)
N° 4: Ko Tina—Kupu tāfito: Ko he fakakaugā kovi ʼe feala ke taki ki he tuʼutāmaki
8 Sepetepeli Lau ʼo te Tohi-Tapu: Tāʼaga Lea 5 ki te 6
Katiko N° 29
N° 1: Ko te gāue laga fale ʼe fakaʼaluʼalu ʼo lelei pea mo tuputupu (jv p. 325 § 5–p. 333 § 2)
N° 2: Fakahā 7:1-12
N° 3: Tou līaki te ʼu faʼahiga faifakalauʼakau fuli (kl p. 109-11 § 6-8)
N° 4: Ko Toeke—Kupu tāfito: Tou tokakaga kia nātou ʼaē ʼe nātou manako ki te meʼa ʼaē ʼe kovi
15 Sepetepeli Lau ʼo te Tohi-Tapu: Tāʼaga Lea 7 ki te 8
Katiko N° 33
N° 1: Ko he tuputupu vave ʼi te malamanei katoa (jv p. 333 § 3–p. 339)
N° 2: Fakahā 7:13–8:7
N° 3: He koʼe ʼe tapuʼi e te Tohi-Tapu te faifakalauʼakau (kl pp. 112-13 § 9-11)
N° 4: Ko Tolokasi—Kupu tāfito: ʼE lahi te ʼu gāue lelei ʼa te kau Kilisitiano moʼoni
22 Sepetepeli Lau ʼo te Tohi-Tapu: Tāʼaga Lea 9 ki te 10
Katiko N° 204
N° 1: E feafeaʼi te faʼahi paʼaga ʼo te gāue ʼo te Puleʼaga (jv p. 340 § 1–p. 343 § 3)
N° 2: Fakahā 8:8–9:6
N° 3: ʼE fakahā mai e te Tohi-Tapu peʼe feafeaʼi te gāue ʼa te ʼu laumālie agakovi (kl pp. 113-14 § 12-13)
N° 4: Ko Epeti-Meleki—Kupu tāfito: ʼAua naʼa tou matataku kae ke tou fakaʼapaʼapa ki te ʼu kaugana ʼa Sehova
29 Sepetepeli Lau ʼo te Tohi-Tapu: Tāʼaga Lea 11 ki te 12
Katiko N° 86
N° 1: Ko te faʼahi paʼaga ʼo te ʼu fale fono pea mo te fakalahi ʼo te ʼu Petele (jv p. 343 § 4–p. 347 § 1; fakaʼaogaʼi te ʼu faʼifaʼitaki ʼo te pasina 352-401)
N° 2: Fakahā 9:7-21
N° 3: ʼE tonu ke tou fakafeagai feafeaʼi ki te ʼu laumālie agakovi (kl pp. 114-15 § 14-15)
N° 4: Ko Ehuti (foha ʼo Kela)—Kupu tāfito: ʼE hāofaki e Sehova tana hahaʼi
6 ʼOketopeli Lau ʼo te Tohi-Tapu: Tāʼaga Lea 13 ki te 14
Katiko N° 220
N° 1: Ko te gāue ʼo te Puleʼaga ʼe mole totogi (jv p. 347 § 2–p. 351 § 6)
N° 2: Fakahā 10:1-11
N° 3: E feafeaʼi hakotou fakamālohiʼi takotou tui (kl pp. 115 § 16-17)
N° 4: Ko Eleasale (foha ʼo Alone)—Kupu tāfito: Tou tauhi mālohi kia Sehova
13 ʼOketopeli Lau ʼo te Tohi-Tapu: Tāʼaga Lea 15 ki te 16
Katiko N° 204
N° 1: Ko te kau Fakamoʼoni ʼo aʼu ki te potu taupotu ʼo te kele (jv p. 404 § 1–p. 408 § 3)
N° 2: Fakahā 11:1-14
N° 3: Ke hoholo atu takotou fakafeagai ki te ʼu laumālie agakovi (kl pp. 116-17 § 18-20)
N° 4: Ko Eli (te pelepitelo lahi)—Kupu tāfito: Ko te fakagafua ʼo meʼa fuli ʼe fakaufiufi ki te ʼAtua
20 ʼOketopeli Lau ʼo te Tohi-Tapu: Tāʼaga Lea 17 ki te 18
Katiko N° 10
N° 1: Neʼe uga nātou e tonatou loto ke nātou palalau (jv p. 409 § 1–p. 414 § 3)
N° 2: Fakahā 11:15–12:6
N° 3: Ko te maʼuliʼi ʼo te aga faka lotu ʼe ina ʼaumai te fīmālie (kl pp. 118-19 § 1-4)
N° 4: Ko Eliu (foha ʼo Palakele)—Kupu tāfito: Ko he ʼu kaumeʼa moʼoni ʼe nātou palalau ʼaki te moʼoni
27 ʼOketopeli Lau ʼo te Tohi-Tapu: Tāʼaga Lea 19 ki te 20
Katiko N° 150
N° 1: ʼE gigila te mālama ʼo te moʼoni ʼi te malamanei katoa (jv p. 414 § 4–p. 422 § 3; toe kau kiai mo te talanoa ʼo te pasina 422)
N° 2: Fakahā 12:7–13:2
N° 3: Ko te aga fakahagatonu ʼe iku ki te fīmālie (kl pp. 119 § 5-6)
N° 4: Ko Elia (te polofeta)—Kupu tāfito: ʼAua naʼa tou meʼa noaʼi te mālohi ʼo te faikole
3 Novepeli Lau ʼo te Tohi-Tapu: Tāʼaga Lea 21 ki te 22
Katiko N° 121
N° 1: Ko te ʼu taʼu faigataʼa ʼo te ʼUluaki Tau Faka malamanei pea mo te toe hoko atu ʼo te maʼuli (jv p. 423 § 1–p. 427 § 2)
N° 2: Fakahā 13:3-15
N° 3: Ko te loto fia foaki ʼe ina ʼaumai te fīmālie (kl p. 120 § 7-8)
N° 4: Ko Elifasi (te Temanite)—Kupu tāfito: ʼE fehiʼa ia Sehova ki te gutuloi
10 Novepeli Lau ʼo te Tohi-Tapu: Tāʼaga Lea 23 ki te 24
Katiko N° 92
N° 1: Ko te ʼu minisi lototoʼa ʼe nātou vaevae te ʼu moʼoni maʼuhiga ʼo te Tohi-Tapu (jv p. 427 § 3–p. 433 § 1)
N° 2: Fakahā 13:16–14:12
N° 3: Tou taupau maʼu totatou ʼu fealagia fakakaukau pea mo tou tekeʼi te meʼa ʼaē ʼe kovi (kl p. 121 § 9-10)
N° 4: Ko Eliseo—Kupu tāfito: Tou fakaʼapaʼapa moʼoni ki te ʼu kaugana ʼa Sehova
17 Novepeli Lau ʼo te Tohi-Tapu: Tāʼaga Lea 25 ki te 26
Katiko N° 200
N° 1: ʼE gigila te mālama fakalaumālie ʼi Afelika, mo Sepania pea mo Potukalia (jv p. 433 § 2–p. 438 § 4)
N° 2: Fakahā 14:13-20
N° 3: Ko te nofo lelei ʼa he taumatuʼa, ʼe maʼu ai te fīmālie (kl pp. 122-3 § 11-13)
N° 4: Ko Elisapeta—Kupu tāfito: Tou manavasiʼi ki te ʼAtua pea ʼaua naʼa tou agahala
24 Novepeli Lau ʼo te Tohi-Tapu: Tāʼaga Lea 27 ki te 28
Katiko N° 29
N° 1: Tāʼaga Lea: Tona ʼaoga (ʼuluaki koga) (si p. 104-5 § 19-28)
N° 2: Fakahā 15:1-8
N° 3: ʼE mole tou kau ʼi te malamanei (kl pp. 123-5 § 14-15)
N° 4: Ko Enoke (foha ʼo Salete)—Kupu tāfito: Tou haʼele mo Sehova
1 Tesepeli Lau ʼo te Tohi-Tapu: Tāʼaga Lea 29 ki te 31
Katiko N° 1
N° 1: Tāʼaga Lea: Tona ʼaoga (lua koga) (si p. 105§ 29-38)
N° 2: Fakahā 16:1-16
N° 3: He koʼe ʼe mole fai e te kau Kilisitiano moʼoni te po tapu mo te ʼu ʼaho tupu (kl p. 126 § 16-17)
N° 4: Ko Epafalase—Kupu tāfito: Tou faikole maʼa tatatou ʼu tēhina pea mo tokoni kia nātou
8 Tesepeli Lau ʼo te Tohi-Tapu: Tagata Tānaki 1 ki te 3
Katiko N° 87
N° 1: Tagata Tānaki: ʼUluaki palalau (si pp. 106-7 § 1-8)
N° 2: Fakahā 16:17–17:8
N° 3: Tou fakamanatu te taumafa ʼo te ʼAliki (kl p. 127 § 18)
N° 4: Ko Epafolotite—Kupu tāfito: Tou fakaʼapaʼapa ki te ʼu tagata ʼaē ʼe tau mo te falala
15 Tesepeli Lau ʼo te Tohi-Tapu: Tagata Tānaki 4 ki te 6
Katiko N° 42
N° 1: ʼE nātou kumi te hahaʼi ki te ʼu potu taupotu ʼo te kele, pea mo fakalogo ki te ʼAtua māʼiape la te ʼu fakafeagai (jv p. 439 § 1–p. 443 § 2; ʼo kau ai mo te talanoa ʼo te pasina 443)
N° 2: Fakahā 17:9-18
N° 3: ʼE fakaʼaogaʼi feafeaʼi te ʼu pelesepeto ʼo te Tohi-Tapu ʼo ʼuhiga mo te gāue pea mo te ʼu fakafiafia (kl pp. 127-8 § 19-20)
N° 4: Ko Esau—Kupu tāfito: Ko te ʼu tonu ʼaē ʼe tou fai ʼe hā ai peʼe maʼuhiga kia tatou te ʼu meʼa faka taputapu peʼe kailoa
22 Tesepeli Lau ʼo te Tohi-Tapu: Tagata Tānaki 7 ki te 9
Katiko N° 2
N° 1: ʼE nātou maʼumaʼua ʼaupito ʼi te faka mafola ʼo te logo lelei (jv p. 444 § 1–p. 448 § 2)
N° 2: Fakahā 18:1-10
N° 3: Tou fakaʼapaʼapa ki te maʼuli pea mo te toto (kl pp. 128-9 § 21-3)
N° 4: Ko Esitele—Kupu tāfito: ʼE hā feafeaʼi te matalelei moʼoni
29 Tesepeli Fakamanatu. Toe lau ia Tāʼaga Lea 3 kia Tagata Tānaki 9
Katiko N° 106