Te Tali Ki ʼAkotou ʼu Fehuʼi

◼ ʼE tonu ke foaki kia ai he kate ʼo te fakatahi faka tisitilike?

ʼE ʼaoga moʼoni te ʼu kate ʼo te ʼu fakatahi ke tou ʼiloʼi ai totatou ʼu tēhina pea ke feala hatatou fakahāhā te fakatahi. Kae ʼe mole tonu ke hoko tufa. Ko ia ʼaē ʼe ina tau te kate ʼaia ʼe ina fakahā ai ʼe kau moʼoni ki te kokelekasio ʼo te kau Fakamoʼoni ʼa Sehova.

ʼI te kate, ʼe feala ke koutou tohi ai tokotou higoa pea mo te higoa ʼo tokotou kokelekasio. Koia, ʼe tonu anai kia ia ʼaē ʼe ʼi ai hana kate ke kau ki he kokelekasio. ʼE momoli e te Sosiete he ʼu kate ki te ʼu kokelekasio fuli. ʼE lelei anai ke foaki he kate kia nātou ʼaē kua papitema pea mo te ʼu kaugā fagona. Pea ʼe feala ke foaki he kate ki te ʼu tamaliki pea mo nātou ʼaē ʼe kau tuʼumaʼu ki te ʼu fono ʼo te kokelekasio, pea mo nātou ʼaē ʼe tuputupu ʼo fia kau ki te minisitelio. ʼE mole lelei anai ke foaki he kate ʼo te fakatahi ki he tahi kua fakamavae.

Ka ʼaumai te ʼu kate, pea ʼe tonu ke vakavakaʼi e te ʼu tagata ʼāfea ke tufa ʼo mulimuli ki te ʼu tokoni ʼaenī.