He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Mal.

“ ʼI tau manatu, ʼe mole lelei anai koa totatou maʼuli ʼi te kele mo kapau ʼe mulimuli ki he pule faitotonu? [Tuku ke fai mai hana tali.] Koʼeni te fakapapau ʼaē ʼe tuku mai e te Tohi-Tapu. [Lau ia Pesalemo 37:11.] ʼE feala ke tou maʼu te tokalelei ʼaia, pea ʼe hoko moʼoni anai ʼaki te Tagata Takitaki lelei ʼaē ʼe tanaloa kiai te ʼu alatike ʼaenī.”

Réveillez-vous ! ʼaho 22 ʼo Mal.

“ ʼE lahi te kau mate pea mo te ʼu maumau ʼe fakatupu e te ʼu mafuike. ʼI te agamāhani ko nātou ʼaē neʼe hāo ʼi te ʼu tuʼutāmaki ʼaia ʼe mole kei ʼi ai honatou ʼu nofoʼaga, pea ʼe mole kei ʼi ai hanatou falā moʼo maʼu honatou nofoʼaga. Ko te Réveillez-vous ! ʼaenī ʼe ina fakahā mai te ʼu meʼa ʼaē neʼe fai e te hahaʼi ʼaē neʼe hoko kiai te tuʼutāmaki ʼaia. ʼE ina toe fakamahino mai ko te ʼu mafuike ʼe ʼi ai tonatou tuʼulaga maʼuhiga ʼi te ʼu lea faka polofeta ʼo te Tohi-Tapu.”

Te Tule Leʼo ʼaho 1 ʼo ʼApe.

“ ʼE ʼau fia fakahā atu te manatu fakaloto fīmālie mai te Tohi-Tapu. [Lau ia Mateo 22:37.] Koteā tau mahino ki te vaega ʼaia? [Tuku ke fai mai hana tali.] Koʼeni te alatike lelei ko tona kupu tāfito, ‘Koutou Kumi Te ʼAtua ʼAki Tokotou Loto Pea Mo Tokotou ʼAtamai.’ Ko te tui moʼoni ʼe tou taupau pe koa ʼaki totatou loto, peʼe toe kau kiai te ʼatamai? ʼE ke maʼu ai anai tona tali.”

Réveillez-vous ! ʼaho 8 ʼo ʼApe.

“Kua mahino kia koe, ia ʼaho ʼaenī, ʼe ko he meʼa faigataʼa te taupau ʼo he famili, pea ʼe mole faigafua te ʼu gāue ʼaē ʼe tonu ke fai e te faʼe. ʼE maʼu ʼi te Réveillez-vous ! ʼaenī te alatike lelei ko tona kupu tāfito ‘Te ʼUhiga Faʼe—Ko He Gaūe Faigataʼa.’ ʼE ʼau fia tuku atu te nusipepa ʼaenī ke ke lau.”