He ʼu Manatu ʼo ʼUhiga Mo Te ʼu Nusipepa
Te Tule Leʼo ʼaho 15 ʼo Mal.
“ ʼE mātou fia fakaafe koe ki te Ōmoe ʼa te ʼAliki, ʼaē ka fai ʼi te ʼaho 4 ʼo ʼApelili. [Koutou fakaʼaogaʼi te fakamahino ʼi te tuʼa nusipepa peʼe ko te kiʼi pepa fakaafe. Pea lau age ia Luka 22:19.] Ko te ʼu ʼuluaki alatike ʼo Te Tule Leʼo ʼaenī, ʼe ina fakamahino mai te faka ʼuhiga ʼo te toʼotoʼoga ʼaia, pea ʼe tonu ke fakahoko feafeaʼi.”
Réveillez-vous ! ʼaho 22 ʼo Mal.
ʼI takotou ʼosi talanoa ʼo ʼuhiga mo he tuʼutāmaki ʼe ʼiloʼi e te hahaʼi, koutou fehuʼi age: “ ʼE ke fia ʼiloʼi koa pe koʼe ʼe fakagafua e te ʼAtua ke hoko te ʼu meʼa ʼaia? [Tuku ke fai atu hana tali. Pea lau ia Sakopo 1:13.] Ko te alatike ʼaenī ʼaē neʼe tohi tāfito maʼa te kau tūpulaga, ʼe ina fakamahino mai pe koʼe ʼe mole heʼeki fakagata te ʼu mamahi e totatou Tupuʼaga ʼofa.”
Te Tule Leʼo ʼaho 1 ʼo ʼApe.
“ ʼE ʼi ai te ʼu vaega ʼo te Tohi-Tapu ʼe nātou talanoa ʼo ʼuhiga mo te fakaʼiloga ʼo te manu, pea ʼe ʼi ai te ʼu fakamahino kehekehe ʼe fai ʼo ʼuhiga mo te faʼahi ʼaia. Kua ke logo ki te faʼahi ʼaia? [Tuku ke fai atu hana tali. Pea lau age ia Apokalipesi 13:16-18.] Ko te Tohi-Tapu ʼe ina foaki mai te ʼu fakamahino ki te misitelio ʼaia, pea ʼe koutou maʼu anai te ʼu fakamahino ʼaia ʼi te nusipepa ʼaenī.”
Réveillez-vous ! ʼaho 8 ʼo ʼApe.
“Tokolahi ʼe nātou ʼiloʼi te hisitolia ʼo Moisese. Kae ʼe ke ʼiloʼi koa neʼe ʼi ai te ʼu palalau neʼe fai e Moisese pea ʼe ʼi ai tona pikipikiga mo totatou temi? [Tuku ke fai mai hana tali. Pea koutou lau ia Teutalonome 18:15.] Ko te Réveillez-vous! ʼaenī ʼe ina fakahā mai peʼe ko ai ʼaē ʼe fakatātā e te polofeta ʼaia, pea mo te ʼu meʼa lelei ʼaē ka ina fai maʼa te malamanei.”