Koutou Haga Fakaʼaogaʼi Te Tule Leʼo Pea Mo Te Réveillez-vous !

ʼI te temi nei, ʼi te mole kei hoko atu te ʼu fai apone ki Te Tule Leʼo pea mo te Réveillez-vous !, ʼe tou faiga anai ke tou maʼu te ʼu nusipepa fuli, ʼo feiā mo nātou ʼaē ʼe tou fai faka mafola kia nātou.

Tatatou Nusipepa Takitokotahi: Kapau kua ʼosi takotou apone, pea ʼe tonu ke koutou fakalahi te ʼu nusipepa ʼaē ʼe koutou fakaʼui ʼi te kokelekasio. ʼE tonu ke fakaʼui e te ʼu mātuʼa he ʼu nusipepa ke takitahi ʼi te famili mo tona nusipepa. Koutou tohi tokotou higoa ki takotou nusipepa ke mole kau ki te ʼu nusipepa ka tufa. Ka tau mai te ʼu nusipepa, pea ko te ʼu tēhina ʼaē ʼe tokakaga kiai ʼe tonu anai ke nātou tufa atu aipe ʼi te ʼu Fale ʼo Te Puleʼaga.

Te ʼu Hahaʼi ʼAē ʼe Nātou Toʼo Tuʼumaʼu Te ʼu Nusipepa: ʼE tonu ke faiga e te kau fai faka mafola ke maʼu tuʼumaʼu he ʼu nusipepa e te hahaʼi fuli ʼaē ʼe nātou loto kiai. Kapau ʼe tou ʼave tuʼumaʼu he ʼu nusipepa kia nātou ʼaia, pea ʼe feala ai anai ke tou taupau tanatou fia logo pea mo kamata ai he ʼu ako Tohi-Tapu.—Vakaʼi Te Minisitelio ʼo Te Puleʼaga, ʼo ʼOketopeli 1998, ʼi te pasina 8.

Te Hahaʼi ʼAē ʼe ʼAoga Ki Ai He Tokaga Makehe: Kapau ko he tahi ʼe fia logo moʼoni kae nofo ʼi he telituale ʼe mole heʼeki gāueʼi, pea ʼe feala ke fai hana apone. Kapau ko he tahi ʼe nofo ʼi te telituale ʼo te kokelekasio, ʼe mole feala ke ʼave tuʼumaʼu ki ai tana ʼu nusipepa kae loto moʼoni kiai, pea ʼe tonu ke vakaʼi te faʼahi ʼaia mo te Komite Gāue ʼo Te Kokelekasio. Kapau ʼe nātou tali, pea ʼe tonu ke fai hana apone. ʼE fakaʼaogaʼi anai te ʼu pepa ʼo te ʼu apone (te M-1 pea mo te M-101).

ʼE tonu ke tou falala ʼe haga tapuakiʼi anai e Sehova tatatou ʼu faiga, ke tou kalagaʼi te Puleʼaga ʼaki Te Tule Leʼo pea mo te Réveillez-vous !