Te Tohi Mai Te Kolesi Pule

Naʼi Kaugā Fai Faka Mafola ʼo Te Puleʼaga:

“Ko te ʼAtua ʼaē neʼe ina fakatuputupu.” (1 Ko. 3:6, MN ) Ko he meʼa fakaofoofo tatatou sisio ki te tuputupu ʼi tatatou telituale! Lolotoga te taʼu gāue 2003, ko ako Tohi-Tapu foʼou e 250 tupu neʼe kamata ʼi Niu Kaletonia pe. Ko he faʼahi ia ʼe tau mo feʼauga ke vikiʼi. Pea ko nātou neʼe ʼōmai ʼo kau ki te ʼAho Fakamanatu ʼi te taʼu 2003 neʼe kaugamālie ʼaupito: ko te toko 7 069 ki te ʼu fenua e tolu, ʼe kau ai te ʼu tuputupu foʼou ko te toko 5 083 ʼi Niu Kaletonia pea ko te toko 1 679 ʼi Vanuatu.

ʼE tapuakina e Sehova ia te laga ʼo te ʼu Fale foʼou ʼo Te Puleʼaga. ʼI te taʼu kua hili, neʼe avahi te ʼu Fale foʼou ʼo Te Puleʼaga peʼe neʼe laga ʼi Vanuatu mo Niu Kaletonia, pea neʼe toe fakalahi foki mo te Fale ʼo Te Puleʼaga ʼaē ʼi Uvea. ʼE mātou fakamālo kia nātou fuli ʼaē neʼe nātou kau ki te ʼu laga fale lahi ʼaia. ʼOfa pe ke tou mahino ki te ʼaoga ʼo te taupau fakalelei ʼo tatatou ʼu Fale ʼo Te Puleʼaga.

Moʼo faka fealagia te tufa ʼo te ʼu tohi ʼi te telituale ʼaē kua lahi ʼi te malamanei katoa, neʼe fai te fakatuʼutuʼu foʼou ke foaki he tahi ʼu gāue ki te ʼu Filiale ʼaē ʼe tā mai ai te ʼu tohi ʼi te malamanei katoa. Ko te ʼu tohi ʼaē neʼe tā ʼi Brooklyn maʼa tatatou filiale, kua tā nei mai Saponia, kae ko tatatou ʼu nusipepa Fakafalani, Fakapilitānia, Faka Pisilama pea mo te Faka Uvea ʼe tā mai Ositalalia, ʼo feiā mo tatatou ʼu kaupepa lalahi fuli ʼi tatatou ʼu lea. ʼE mātou fakaʼaogaʼi te faigamālie ʼaenī moʼo fakafetaʼi atu ki takotou lotolelei ʼo lagolago ʼi te faʼahi faka paʼaga, ʼaē neʼe ina faka fealagia ai ke tuputupu tuʼumaʼu te tā ʼo te ʼu tohi.

ʼI tatatou kamata te taʼu gāue 2004, ʼe mātou manatuʼi ia koutou ʼi ʼamatou ʼu faikole ke ‘fakatuputupu’ te gāue e Sehova.

Tokotou ʼu tēhina,

Te Pilō ʼo Te Filiale ʼo Niu-Kaletonia