He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Nov.

“Ki muʼa atu, ko te tokolahi neʼe nātou tui ko te kele ʼe liliu anai ko he palatiso. Ia ʼaho nei, ko ʼihi ʼe nātou tuʼania naʼa maumauʼi te kele. Koteā tau manatu ʼo ʼuhiga mo te ka haʼu ʼo te kele? [Tuku ke fai mai hana tali.] Koʼeni te manatu ʼa te Tohi-Tapu ʼo ʼuhiga mo te faʼahi ʼaia. [Koutou lau age ia Pesalemo 37:11.] Ko te nusipepa ʼaenī ʼe ina fakahā atu te ʼu meʼa ʼaē ʼe fakakikite e te Tohi-Tapu ʼo ʼuhiga mo te kele.”

Réveillez-vous! ʼaho 22 ʼo Nov.

“Ko ʼihi ʼe nātou tuʼania, heʼe nātou manatu ʼe mole feala anai ke toe gaohi te ʼu maumau ʼaē kua hoko ki te kele. ʼE ke manatu feiā koa? [Tuku ke fai mai hana tali.] Neʼe mole fakatuʼutuʼu e te Tupuʼaga ke liliu te kele ko he koga meʼa ʼuli ʼe mole kei feala hona nofoʼi. [Lau age ia Isaia 45:18.] Ko te nusipepa ʼaenī ʼe ina fakamahino mai peʼe hāofaki feafeaʼi anai te kele.”

Te Tule Leʼo ʼaho 1 ʼo Tes.

“Ia ʼaho nei, ko ʼihi hahaʼi ʼe mole kei nātou tui ki te ʼAtua. ʼE tupu ko tanatou mole maʼu he ʼu tali ʼe lelei ʼo ʼuhiga mo te ʼu fehuʼi ʼaenī. [Koutou toʼo he faʼifaʼitaki ʼo te ʼu fehuʼi ʼaia mai te talanoa ʼo te pasina 6.] Ko Te Tule Leʼo ʼaenī, ʼe talanoa ki te faʼahi maʼuhiga ke tupu ai hatatou tui mālohi ki te ʼAtua.” Lau age ia Filipe 1:9.

Réveillez-vous! ʼaho 8 ʼo Tes.

“ ʼI tau manatu, ʼe feala koa ʼi he ʼaho ke hoko ʼi te malamanei te ʼu ʼaluʼaga ʼaē ʼe tuʼu ʼi te vaega ʼaenī? [Lau age ia Isaia 14:7, pea tuku ke fai mai hana tali.] ʼE tuʼu ʼi te nusipepa ʼaenī te ʼu manatu lelei, ʼe ʼaoga anai kia tatou moʼo fakatalitali ki te fakahoko ʼo te ʼu fakapapau ʼa te ʼAtua.” Fakahā age te alatike “ Comment résister aux mauvais désirs ? ”