He ʼu Manatu ʼo ʼUhiga Mo Te ʼu Nusipepa
Te Tule Leʼo ʼaho 1 ʼo Nov.
“Tokolahi te ʼu mātuʼa ʼe natou fakamoʼoni ko te akoʼi ʼaē ʼo te fānau ʼe mole gata ʼaki pē te toe fakahoko kiā nātou ia te ʼu meʼa ʼaē neʼe fai e tanatou ʼu mātuʼa totonu. Mai tona ʼaluʼaga ʼaē ko te ʼAtua ko tatatou tamai, koia ʼe ina ʼiloʼi lelei ai te faʼahi ʼaia pea ʼe ina fai te ʼu tokoni ʼe feala ke tou falala kiai. ʼE ko tau manatu koa lā ʼaia? [Tuku ke fai mai hana tali. Pea kotou lau age ia Efeso 3:15.] ʼE talanoa ʼi te nusipepa ʼaenī ki te ʼu tokoni faka Tohi-Tapu ʼaē ʼe ʼaoga moʼo akoʼi ʼo te fānau.”
Réveillez-vous! ʼo Nov.
“ ʼE manatu e ʼihi ko te ʼu meʼa fuli ʼaē ʼe hoko ʼe tupu ko te ʼAtua. Kā hoko he tuʼutāmaki, ʼe natou ʼui ʼe lagi ʼi ai he tupuʼaga lelei ke fakahoko e te ʼAtua ia te faʼahi ʼaia. Koteā tau manatu kiai? [Tuku ke fai mai hana tali. Pea kotou lau age ia Sakopo 1:13.] ʼE fakahā ʼi te nusipepa ʼaenī te meʼa ʼaē ʼe ʼui ʼi te Tohi-Tapu ʼo ʼuhiga mo te tupuʼaga ʼo te ʼu mamahi pea mo te meʼa ʼaē kā fai anai e te ʼAtua moʼona fakagata.”
Te Tule Leʼo ʼaho 1 ʼo Tes.
“ ʼE faigafua tatatou ʼofa ki te hahaʼi ʼaē ʼe ʼoʼofa mai pea mo faʼa foaki kiā tātou. ʼE ʼi ai te tokotahi ʼe ʼofa lahi age kiā tātou pea ʼe tuha ke tou ʼoʼofa kiā te ia. ʼI tau manatu lā, ko ai ia ia ʼaia? [Tuku ke fai mai hana tali.] Neʼe ʼui e Sesu ʼe tonu ke tou ʼoʼofa ki te ʼAtua ʼaki totatou loto kātoa. [Lau age ia Mateo 22:37.] ʼE fakamahino mai ʼi te nusipepa ʼaenī peʼe feafeaʼi hatatou fakahā totatou ʼofa kiā te ia.”
Réveillez-vous! ʼo Tes.
“Kapau lā ʼe tonu ke ke filifili, kiā koe, ko ai anai te tagata ʼaē ʼe lahi tokotahi? [Tuku ke fai mai hana tali.] Maʼa te hahaʼi tokolahi, ko Sesu neʼe ko te tagata ʼaē neʼe lahi tokotahi. Koʼenī te ʼu meʼa ʼaē kā ina fai anai maʼa te kele, ʼi tona ʼuhiga Hau ʼo te Puleʼaga ʼo te ʼAtua. [Fakahā age te pāki ʼi te pāsina 8 mo te 9, pea kotou lau age he vaega ʼi te ʼu vaega Tohi-Tapu ʼaē ʼe fakaʼiloga makehe.] ʼE fakamatala ʼi te nusipepa ʼaenī peʼe fakahoko feafeaʼi anai e Sesu ia te faʼahi ʼaia pea ʼe ina fakahoko anai ʼi te temi fea.”