He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Nov.

“Tokolahi ia te hahaʼi ʼe natou feʼekeʼaki pe koʼē ʼe hagē ʼe ʼāʼāsili age ia te ʼu fihifihia ʼaē ʼe hoko ki te mālamanei, kae mole fakahaʼuhaʼu ia ʼo puli. Neʼe kua ke manatu koa ʼe feala ke fakamahino ia te faʼahi ʼaia, ʼaki te manatu ʼaē ʼe tuʼu ʼi te vaega ʼaenī? [Lau age ia Fakahā 12:9. Pea kotou tuku ke fai mai hana tali.] ʼE fakahā ʼi te nusipepa ʼaenī pe neʼe fakafeagai feafeaʼi ia Sesu ki te Tēvolo.” Kotou fakahā ia te ʼalatike ʼaē ʼe kamata ʼi te pāsina 25.

Réveillez-vous! ʼo Nov.

“Tokolahi ia te hahaʼi ʼe natou manatu ko te ʼu lelei ʼaē ʼe tou maʼu mai te ʼu tai ʼe puli fakavilivili. ʼI tau manatu, ʼe fakatokatoka anai koa e te ʼu puleʼaga fakatagata ia te fihifihia ʼaia? [Tuku ke fai mai hana tali. Pea kotou lau age ia Mateo 6:10.] ʼE talanoa ʼi te ʼalatike ʼaenī ʼo ʼuhiga mo ʼihi tupuʼaga ʼe tuʼania kiai te hahaʼi pea mo fakahā lelei mai ia te puleʼaki ʼaē kā fai anai e te ʼAtua ki te faʼahi ʼaia.” Kotou fakahā age ia te ʼalatike ʼaē ʼe kamata ʼi te pāsina 20.

Te Tule Leʼo ʼaho 1 ʼo Tes.

“Ki te hahaʼi tokolahi, ʼe faigataʼa te fakaʼalutahi ia tanatou tui ki he ʼAtua ʼofa pea mo te akonaki ʼo te ʼifeli kakaha. Koteā tau manatu kiai? [Tuku ke fai mai hana tali.] ʼE akoʼi fakalelei mai ʼi te Tohi-Tapu, ko te ʼAtua ʼe mole agakovi ia peʼe ina liufaki te kovi. [Lau age ia Esekiele 18:23.] ʼE kotou leleiʼia anai ia te ʼu manatu Fakatohi-tapu ʼaē ʼe tuʼu ʼi te nusipepa ʼaenī.”

Réveillez-vous! ʼo Tes.

“Talu mai fualoa, ko te hahaʼi tokolahi ʼe natou fai ia te fehuʼi ʼaenī. [Fakahā age ia te fehuʼi ʼi te takafi.] ʼI tau manatu, ʼe tou lava maʼu ʼifea he tali ʼe lelei ki te fehuʼi ʼaia? [Tuku ke fai mai hana tali.] ʼE au fia fakahā atu pe koʼē ʼe feala ke tou kumi tona tali ki te ʼAtua. [Lau age ia Pesalemo 100:3.] ʼE fakahā ʼi te nusipepa ʼaenī te manatu ʼa te Tohi-Tapu ki te faʼahi ʼaia.”