He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Nov.

“Ko te tokolahi ʼe nātou feʼekeʼaki pe koʼe ʼe mole he puleʼaki ki te ʼu fihifihia ʼo te malamanei, kae fakahaʼuhaʼu ia tona ʼāsili kovi. Neʼe kua ke lau koa ia te vaega ʼaenī, ʼaē ʼe ina fakahā mai ia te tupuʼaga ʼo te ʼu ʼaluʼaga ʼaia? [Lau age ia Apokalipesi 12:​9, pea tuku ke fai mai hana tali.] ʼE fakamatala ʼi te nusipepa ʼaenī ia te ʼu fakatuʼutuʼu ʼa te Tevolo moʼo fakahēʼi ia te hahaʼi pea e feafeaʼi hatatou lava tekeʼi tana ʼu kākā.

Réveillez-vous! ʼaho 22 ʼo Nov.

“Ko te toko 800 miliona hahaʼi ʼe nātou pakupapaku, logola ʼe feʼauga te meʼa kai moʼo fafaga ia te hahaʼi ʼo te malamanei kātoa. ʼI tau manatu, koteā te tupuʼaga ʼo te fihifihi ʼaia? [Tuku ke fai mai hana tali.] ʼE fakamatala ʼi te nusipepa ʼaenī ia te fihifihia lahi ʼaē ko te maʼu ʼo he meʼa kai feʼauga ki te ʼu kolo lalahi. ʼE toe talanoa ai ʼo ʼuhiga mo te fakapapau ʼa te Tohi-Tapu ʼo ʼuhiga mo he malamanei ʼe mole ina toe ʼiloʼi anai ia te pakupaku.” Lau age ia Pesalemo 72:16a.

Te Tule Leʼo ʼaho 1 ʼo Tes.

Ka logo te hahaʼi ki te kupu ‘Halamaketone,’ maʼa nātou ʼe faka ʼuhiga ki he fakaʼauha ʼo te malamanei kātoa. [Fakahā age te fakamatala ʼaē ʼe ʼātakai ʼi te pasina 3.] ʼE mata faikehe koa kiā koe hau ʼiloʼi ko Halamaketone, ʼi tona ʼuhiga moʼoni, ʼe ko he meʼa lelei kiā tatou ke hoko? [Tuku ke fai mai hana tali.] ʼE fakamahino ʼi te nusipepa ʼaenī te tupuʼaga ʼo tatatou ʼui ʼaē ʼe lelei ke hoko.” Lau age ia 2 Petelo 3:⁠13.

Réveillez-vous! ʼaho 8 ʼo Tes.

“ ʼE au fia fai palalau mo koe ʼo ʼuhiga mo te temi ʼaē ka maʼu anai e te hahaʼi fuli, honatou ʼu ʼapi lelei. Koteā tau manatu ʼo ʼuhiga mo te tokolahi ʼaē ʼe mole maʼu honatou ʼu ʼapi? [Tuku ke fai mai hana tali, pea lau age ia Isaia 65:​21, 22.] ʼE fakamahino ʼi te nusipepa ʼaenī te ʼu tupuʼaga ʼo te mole maʼu nofoʼaga ʼa te hahaʼi. ʼE toe fakamahino ai peʼe fakahoko feafeaʼi anai e te ʼAtua tana fakapapau ʼaē neʼe tā lau.”