He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Nov.

“ ʼE mahino ia ʼe ke fia ʼiloʼi peʼe feafeaʼi anai tou maʼuli ʼi te temi kā haʼu. ʼE fakapapau mai ʼi te Folafola ʼa te ʼAtua he mālama foʼou ʼe maʼu ai anai ia te tokalelei. ʼE hoko anai koa ia te fakapapau ʼaia? [Tuku ke fai mai hana tali.] Neʼe fai e Sosue ia te ʼu palalau ʼaenī. [Lau age ia Sosue 23:14.] ʼE fakamahino ʼi te nusipepa ʼaenī [ʼi te pāsina 22] pe koʼē ʼe tou lava tui mo tātou ki te ʼu fakapapau ʼa te ʼAtua.”

Réveillez-vous! ʼo Nov.

“ ʼI te temi ʼaenī ʼo te poto faka tagata pea mo te kua tui gataʼa ʼa te hahaʼi, tokolahi te hahaʼi ʼe natou manatu ʼe mole kei ʼaoga ia te Tohi-Tapu ki totatou temi. Koteā tau manatu kiai? [Tuku ke fai mai hana tali.] ʼE ke ʼiloʼi koa ʼe moʼoni fuli ia te ʼu fakamatala ʼaē ʼe tuʼu ʼi te Tohi-Tapu ʼo ʼuhiga mo te poto fakatagata? [Lau ia Sopo 26:7.] Ko te Réveillez-vous ! makehe ʼaenī ʼe ina foaki he tahi ʼu tupuʼaga ke tou falala ai ki te Tohi-Tapu.”

Te Tule Leʼo ʼaho 1 ʼo Tes.

“ ʼI te faikole ʼo te Tamai ʼaē ʼe ʼi selō, neʼe akoʼi tātou e Sesu ke tou faikole ke hoko mai te puleʼaga ʼo te ʼAtua. He koʼē ʼe ʼaoga kiā tātou ia te puleʼaga ʼaia? [Kotou lau ia te kupu tāfito ʼi te pāsina 23. Pea kotou tuku ke fai hana tali.] ʼE ko te finegalo ʼo te ʼAtua ke ina pulihi tona ʼu fili ʼi te kele. [Lau age ia Pesalemo 2:7-9.] ʼE fakahā ʼi te nusipepa ʼaenī peʼe fakahoko feafeaʼi anai e te Puleʼaga ʼo te ʼAtua ia te faʼahi ʼaia.”

Réveillez-vous! ʼo Tes.

“ ʼE manatu e ʼihi kā mate he tahi, pea ʼe toe hoko atu tona maʼuli; pea ʼe tui e ʼihi ko te mate ʼe ko te fakaʼosi ʼaia ʼo te maʼuli. Kiā koe lā, ʼe tonu koa ke tou mātataku ʼo ʼuhiga mo te mate? [Tuku ke fai mai hana tali.] ʼE au fia fakahā atu ia te ʼamanaki ʼa Sopo ʼo ʼuhiga mo tana mate. [Lau age ia Sopo 14:14, 15.] ʼE maʼu ʼi te nusipepa ʼaenī he fakamahino lelei mai te Tohi-Tapu ʼo ʼuhiga mo te meʼa ʼaē ʼe hoko kiā tātou mokā tou mamate.”