He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Nov.

“Ko te tokolahi ia tatou ʼe tou faigaʼi ke tou maʼuli tokalelei mo te hahaʼi. Kae ʼe lagi ke tokagaʼi ʼi te agamāhani ʼe faigataʼa te faʼahi ʼaia. [Tuku ke fai mai hana tali.] ʼE fakamahino mai e te Tohi-Tapu pe koteā tona tupuʼaga. [Lau age ia Sakopo 3:2.] Ko te alatike ʼaenī, ʼe ina fakahā mai ko te faifakalelei ʼe ko he puleʼaki maʼuhiga ʼaupito moʼo fakatokatoka he tokakovi pea mo taupau te tokalelei.”

Réveillez-vous ! ʼaho 8 ʼo Nov.

“ ʼE fakahā mai ʼi te ʼu lea faka polofeta ʼa te Tohi-Tapu, ʼe hoko mai anai he temi, ʼe mole toe ʼui anai e he tahi, ‘ ʼE ʼau mahaki.’ [Lau age ia Isaia 33:24.] ʼE ko he fakapapau taulekaleka, koteā tau manatu? [Tuku ke fai mai hana tali.] Kae ʼi te temi nei, ʼe lahi te ʼu mahaki ʼi te malamanei, ʼaē ʼe kau kiai te SITA. Ko te Réveillez-vous ! ʼaenī ʼe ina tali anai ki te fehuʼi ʼaenī, ʼE pulihi anai koa te SITA?”

Te Tule Leʼo ʼaho 15 ʼo Nov.

“Ko ʼihi ʼe nātou ʼui peʼe ʼaoga koa kia tatou he ʼu ʼēkelesia pea mo he ʼu fale lotu moʼo tauhi ki te ʼAtua. Koteā tau manatu? [Tuku ke fai mai hana tali.] ʼE ʼau fia fakahā atu te manatu ʼa te Tohi-Tapu ʼo ʼuhiga mo te faʼahi ʼaia. [Lau age ia Gaue 17:24.] Kapau koia ʼaia, pea koteā te ʼaoga ʼo te ʼu fale tauhi ʼaia? Ko te nusipepa ʼaenī ʼe tali anai ki te fehuʼi ʼaia ʼaki te Tohi-Tapu.”

Réveillez-vous ! ʼaho 22 ʼo Nov.

“ ʼI tau manatu, ʼe feala anai koa ʼi he ʼaho ki te poto faka tōketā ke ina pulihi te ʼu mahaki? [Tuku ke fai mai hana tali.] Ko te Réveillez-vous ! ʼaenī ʼe talanoa ki te haʼele ki muʼa ʼo te poto faka tōketā. ʼE ina toe fakahā mai pe koʼe ko te Tupuʼaga tokotahi pe ʼaē ʼe ina maʼu te mālohi moʼo pulihi te mahaki pea mo te mate.” Lau age ia Pesalemo 146:3-5, pea mo tuku age kia ia te ʼu nusipepa.