Koutou Foimo ʼAʼahi Nātou

Ko ai ʼaē ʼe tonu ke tou foimo ʼaʼahi? Te hahaʼi ʼaē ʼe nātou kole ke foaki age he tohi peʼe ko hanatou ʼu nusipepa, peʼe nātou loto ke ʼaʼahi nātou e he Fakamoʼoni ʼa Sehova. Ko ai ʼaē ʼe nātou fai te ʼu kole ʼaia? Ko he ʼu hahaʼi neʼe nātou faitohi peʼe nātou telefoni ki te filiale peʼe faitohi ʼi te Internet. Kapau ʼe ʼi ai he ʼu hahaʼi feiā, pea ʼe faitohi te filiale ki te kokelekasio ʼaki te pepa S-70, ko te pepa ʼaē ʼe tohi ai “ Veillez faire en sorte quʼun proclamateur expérimenté rende visite à cette personne ” (Fakatuʼutuʼu ke ʼaʼahi e he kaugā fai faka mafola kua māhani te tagata peʼe ko te fafine). Ka maʼu e te kau tagata ʼāfea te pepa S-70, ʼe tonu ke nātou foimo fakatoʼo age ki te kaugā fagona ʼaē ka ina fai fakalelei anai te ʼaʼahi. Kapau ʼe faigataʼa ki te kaugā fagona ke ina maʼu te tagata peʼe ko te fafine ʼaia, pea ʼe feala ke telefoni peʼe ina tohi ʼi he kiʼi moʼi pepa neʼe haʼu ʼo ʼaʼahi ia ia. Kapau ʼe kole atu ke koutou fai te ʼaʼahi, koutou faiga mālohi ke koutou foimo maʼu te tagata peʼe ko te fafine ʼaia.