He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Tes.

“ ʼI te māhina ʼaenī, tokolahi te hahaʼi ʼe nātou manatuʼi te tupu ake ʼo Sesu. Neʼe mole heʼeki ke fai koa la te fehuʼi ʼaē, pe neʼe feafeaʼi te famili ʼaē neʼe lahilahi ake ai Sesu? [Tuku ke fai mai hana tali. Pea lau age ia Luka 2⁠:​51, 52.] ʼE palalau Te Tule Leʼo ʼaenī ki te ʼu ako maʼuhiga ʼaē ʼe feala ke tou tāʼofi ʼi te fakamatala ʼi te Tohi-Tapu ʼo te pusiaki ʼa Sesu.”

Réveillez-vous ! ʼaho 22 ʼo Tes.

“Ko tatou fuli ʼe tou fia sisio ki te maʼuli lelei pea mo fiafia ʼo tatatou fānau. ʼI tau manatu, koteā ʼaē ʼe ʼaoga tāfito ki te fānau ke nātou tauʼi te ʼu faigataʼaʼia ʼo te malamanei? [Tuku ke fai mai hana tali. Pea lau age ia Tāʼaga Lea 22⁠:⁠6.] ʼE talanoa te Réveillez-vous ! ʼaenī ʼo ʼuhiga mo te ʼu meʼa ʼaē ʼe ʼaoga ki te fānau pea ʼe lava foaki feafeaʼi e te ʼu mātuʼa te ʼu meʼa ʼaia.”

Te Tule Leʼo ʼaho 1 ʼo San.

“Tokolahi te hahaʼi ʼe nātou fakaʼamu ki te tokalelei. ʼI tau manatu ʼe lava hoko koa te ʼu palalau ʼaenī? [Lau age ia Pesalemo 46⁠:⁠9. Pea tuku ke fai mai hana tali.] ʼE fakahā e Te Tule Leʼo ʼaenī peʼe fakahoko feafeaʼi anai te faʼahi ʼaia, pea he koʼe ʼe feala ke tou falala ki te fakapapau ʼa te ʼAtua ʼo ʼuhiga mo he mālama ʼe mole toe ʼi ai anai te tau.”

Réveillez-vous ! ʼaho 8 ʼo San.

“ ʼI te malamanei, ko te ʼu lauʼi miliona hahaʼi ʼe nātou lotomamahi ʼuhi ko te ʼu fetogi ʼo tonatou agaaga, peʼe nātou mohumohu ʼaho. ʼE fia tokoni ʼaupito totatou Tupuʼaga ki te ʼu hahaʼi ʼaia. [Lau age ia Pesalemo 34⁠:18.] ʼE fakahā e te nusipepa ʼaenī peʼe tou lava tokoni feafeaʼi kia nātou ʼaia. ʼE ina toe fakahā mai te fakapapau ʼa te Tohi-Tapu, ʼaē kua ōvi mai te temi ʼaē ka pulihi ai te ʼu mahaki fuli pe.”