He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Tes.

“Ia ʼaho nei, tokolahi te hahaʼi ʼe nātou felāveʼi mo te ʼu faigataʼaʼia faka ekonomika. ʼE ko te ʼaluʼaga ʼaia ʼe tau mo te ʼu lotu, pea ʼi te temi nei, kua toe lahi age tanatou kole falā. Koteā tau manatu ki te faʼahi ʼaia? [Tuku ke fai mai hana tali. Koutou lau age ia 1 Tesalonika 2:9.] ʼE talanoa Te Tule Leʼo ʼaenī ki te manatu ʼa te Tohi-Tapu ʼo ʼuhiga mo te faʼahi ʼaia.”

Réveillez-vous ! ʼaho 8 ʼo Tes.

“ ʼUhi ko te mataku ʼaē naʼa hoko he agamālohi, tokolahi ʼe nātou feʼekeʼaki peʼe lelei koa ke nātou folau. ʼE ke tuʼania koa ʼo ʼuhiga mo te faʼahi ʼaia? [Tuku ke fai mai hana tali.] ʼE fakamoʼoni e te Tohi-Tapu ʼe mole tou hāo mai te ʼu meʼa ʼaē ʼe hoko fakafokifā. [Lau age ia Tagata Tānaki 9:​11.] Kae ʼe fakahā e te Réveillez-vous ! ʼaenī peʼe koteā ʼaē ʼe feala ke ke fai ke lelei tau folau.”

Te Tule Leʼo ʼaho 15 ʼo Tes.

“ ʼI te lakaga ʼaenī ʼo te taʼu, tokolahi ʼe nātou manatu ki te tupu ʼa Sesu. ʼE ke ʼiloʼi koa ʼe ʼi ai te ʼu ako maʼuhiga ʼe feala ke tou tāʼofi mai te hisitolia faka Tohi-Tapu ʼaē ʼe ina fakamatala tana tupu? [Tuku ke fai mai hana tali. Koutou fakahā age te pasina 5, pea mo lau age ia 2 Timoteo 3:​16.] ʼE talanoa Te Tule Leʼo ʼaenī ki ʼihi ʼo te ʼu ako ʼaia.”

Réveillez-vous ! ʼaho 22 ʼo Tes.

“Kia koe la, ʼe tonu koa ke tuʼania te ʼu mātuʼa ki te malave ʼo te ʼu gaoʼi agamālohi ki tanatou fānau? [Tuku ke fai mai hana tali.] Tokolahi te ʼu mātuʼa ʼe nātou mulimuli ki te takitaki ʼo te vaega Tohi-Tapu ʼaenī. [Lau age ia Pesalemo 11:5.] Ko te Réveillez-vous ! ʼaenī ʼe tokoni ki te ʼu famili ke nātou vakavakaʼi te ʼu tuʼutāmaki ʼaē ʼe pipiki ki te ʼu gaoʼi viteo.”