He ʼu Manatu ʼo ʼUhiga Mo Te ʼu Nusipepa
Te Tule Leʼo ʼaho 1 ʼo Tes.
“ ʼI te māhina ʼaenī, ʼe tokolahi te hahaʼi ʼe natou manatuʼi te fakatotonu ʼa Sesu ke tou ʼoʼofa ki totatou kāiga. [Lau age ia Mateo 22:39.] ʼI tau manatu, ʼe feala anai koa ʼi he ʼaho ke maʼu ia te ʼofa moʼoni e te hahaʼi fuli? [Tuku ke fai mai hana tali.] ʼE talanoa ʼi te nusipepa ʼaenī ki te faka ʼuhiga ʼo te ʼofa ki totatou kāiga.”
Réveillez-vous! ʼo Tes.
“ ʼE mole tatau te ʼu manatu ʼa te ʼu lotu ʼo ʼuhiga mo te fakaʼaogaʼi ʼo te kava. Kiā koe, koteā lā te manatu ʼa te ʼAtua ʼo ʼuhiga mo te faʼahi ʼaia? [Tuku ke fai mai hana tali.] Logolā ko te ʼuluaki milakulo ʼa Sesu neʼe ko te fakaliliu ʼo te vai ko he vino, kae ʼe toe foaki mai ʼi te Tohi-Tapu te fakatokaga ʼaenī. [Lau age ia Tāʼaga Lea 20:1.] ʼE fakamahino ʼi te ʼalatike ʼaenī ia te manatu fakapotopoto ʼa te Tohi-Tapu ʼo ʼuhiga mo te faʼahi ʼaia.” Fakahā age ia te ʼalatike ʼi te pāsina 18.
Te Tule Leʼo ʼaho 1 ʼo Sān.
“ ʼI tau manatu, neʼe fakatuʼutuʼu koa e te ʼAtua he temi ke ina fakamāuʼi ai te hahaʼi fuli ʼi te mālamanei kātoa, pea mo pulihi ia te agakovi? [Tuku ke fai mai hana tali. Pea kotou lau age ia Sofonia 1:14.] ʼE fakahā ʼi te Tohi-Tapu neʼe ina fai ia te fakatuʼutuʼu feiā. ʼE lelei ke tou feʼekeʼaki pē koʼē ʼe hoko anai he ʼaho fai fakamāu ʼa te ʼAtua pea ʼe hoko feafeaʼi anai. ʼE fakamahino ʼi te nusipepa ʼaenī ia te faʼahi ʼaia.”
Réveillez-vous! ʼo Sān.
“ ʼE ke manatu koa ʼe feala anai ʼi he ʼaho ke mole toe ʼi ai he mahaki? [Lau age ia Isaia 33:24. Pea tuku ke fai mai hana tali.] ʼE fakamahino ʼi te nusipepa ʼaenī ia te ʼu gāue ʼaē ʼe fai e te ʼu tōketā pea ʼe fakahoko feafeaʼi anai ia te fakapapau ʼa te Tohi-Tapu.”