Te ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Tes.

“ ʼI te lakaga ʼaenī ʼo te taʼu, ʼi te malamanei kātoa ʼe lahi te ʼu fakafiafia ʼe fai e te hahaʼi, moʼo fakamanatuʼi te tupu ʼa Sesu. ʼE ke ʼiloʼi koa ʼe ʼi ai te lea faka polofeta ʼi te Tohi-Tapu, ʼe ina fakapipiki te tupu ake ʼa Sesu pea mo te tokalelei heʼegata? [Tuku ke fai mai hana tali. Pea lau age ia Isaia 9:6, 7.] ʼE ke maʼu anai te ʼu fakamahino ʼi te nusipepa ʼaenī peʼe hoko feafeaʼi anai te fakatuʼu ʼo te tokalelei ʼaia.”

Réveillez-vous! ʼaho 22 ʼo Tes.

“Neʼe lagi ke tokagaʼi kua faka maʼuhigaʼi lahi e te sosiete ia te talavou ʼa te hahaʼi tagata pea mo te finemui ʼa te hahaʼi fafine? [Tuku ke fai mai hana tali.] ʼE fakamatala ʼi te nusipepa ʼaenī te fua kovi ʼo te tokakaga fau ʼa te hahaʼi ke nātou talavou pea mo finemui. ʼE toe fakahā lelei ʼi te nusipepa ʼaenī, te faʼahiga matalelei ʼaē ʼe maʼuhiga tāfito.” Lau age ia 1 Petelo 3:3, 4.

Te Tule Leʼo ʼaho 1 ʼo San.

“ ʼE lahi te ʼu lotu ʼe nātou akoʼi ki te hahaʼi ʼe tonu ke nātou ʼoʼofa ki tonatou kāiga. [Lau age ia Mateo 22:39.] Kae ʼi tau manatu, he koʼe ʼe lahi te ʼu tau pea mo te ʼu tokakovi ʼi te malamanei ʼe pipiki kiai te ʼu lotu? [Tuku ke fai mai hana tali.] ʼE ke maʼu anai ʼi Te Tule Leʼo ʼaenī te tali ki te fehuʼi ʼaenī: ‘ ʼE feala koa ke logo tahi te malamanei ʼaki te lotu?’ ”

Réveillez-vous! ʼaho 8 ʼo San.

“ ʼE koutou tali feafeaʼi anai ki te fehuʼi ʼaenī? [Lau te fehuʼi ʼaē ʼe tuʼu ʼi te muʼa pasina, pea tuku ke fai mai hana tali.] ʼE hoko te ʼu meʼa fakamataku ʼo ʼuhiga mo te kele, heʼe fakahaʼu ke pulihi māmālie tona ʼu matapuna vai, ʼe ʼulihi te ʼaele pea mo maumauʼi tona ʼu tuvao. Kae koʼeni te fakapapau fakaloto fīmālie. [Lau ia Pesalemo 104:5.] Ko te Réveillez-vous ! ʼaenī ʼe ina fakamahino mai peʼe hāofaki feafeaʼi anai totatou kele.