He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Tes.

“ ʼE ke tali feafeaʼi anai ki te fehuʼi ʼaenī? [Lau age ia te fehuʼi ʼaē ʼe tuʼu ʼi te muʼa pāsina. Pea kotou tuku ke fai mai hana tali.] ʼE ko te fakatuʼutuʼu ʼa te ʼAtua ke logotahi ia te hahaʼi ʼo te ʼu lanu fuli. [Lau age ia Pesalemo 46:8, 9.] ʼE fakahā ʼi te nusipepa ʼaenī pe fakahoko feafeaʼi anai ia te logotahi ʼaia, ohagē ko tona ʼui ʼi te Tohi-Tapu.”

Réveillez-vous! ʼo Tes.

“ ʼI tau manatu, ʼe toe māʼuʼuli ake anai koa ia nātou ʼaē kua mamate kae neʼe tou ʼoʼofa mamahi ai? [Tuku ke fai mai hana tali.] ʼE ʼui ʼi te Tohi-Tapu ʼe ʼi ai te fakamaʼuli. [Lau age ia Pesalemo 68:20.] ʼE fakahā ʼi te nusipepa ʼaenī pe koʼē ʼe mole tonu ke tou tuʼania ia te mate ohagē ko he gataʼaga fakaʼosi ʼaia ʼo te maʼuli.”

Te Tule Leʼo ʼaho 1 ʼo San.

“Tokolahi te hahaʼi ʼe natou faikole ke hoko mai lā ia te Puleʼaga ʼo te ʼAtua. Ohagē lā, ʼe feala ke ke tokagaʼi ia te faikole ʼiloa ʼaē neʼe akoʼi e Sesu ki tana ʼu tisipulo. [Lau age ia Mateo 6:9, 10.] Neʼe mole heʼeki ke feʼekeʼaki koa lā pe koteā te Puleʼaga ʼaia pea ko ʼāfea ʼaē kā hoko mai ai anai? [Tuku ke fai mai hana tali.] ʼE fakahā ʼi te nusipepa ʼaenī pe koteā ʼaē ʼe ʼui ʼi te Tohi-Tapu ʼo ʼuhiga mo te faʼahi ʼaia.”

Réveillez-vous! ʼo San.

“ ʼI te temi fuli pē, neʼe fakakehekeheʼi ia te hahaʼi fafine pea mo gaohi koviʼi nātou. ʼI tau manatu, koteā lā tona tupuʼaga? [Tuke ke fai mai hana tali.] ʼE fakahā ʼi te Tohi-Tapu ia te fakatotonu ʼe fai ki te ʼu tagata ʼohoana ʼo ʼuhiga mo tanatou faʼahiga gaohi ʼaē ʼo tonatou ʼu ʼohoana. [Lau age ia 1 Petelo 3:7.] ʼE fakahā ʼi te nusipepa ʼaenī ia te manatu ʼa te ʼAtua pea mo Kilisito, ʼaē ʼe tuʼu ʼi te Tohi-Tapu.”