He ʼu Manatu ʼo ʼUhiga Mo Te ʼu Nusipepa
Te Tule Leʼo ʼaho 15 ʼo Tes.
“Tokolahi ʼe nātou tuʼania ʼo ʼuhiga mo te ʼu faifakatau koloā ʼaē ʼe fai ʼi te ʼu ʼaho lalahi. ʼI tau manatu kua puli koa ia te tupuʼaga tāfito ʼo te fai ʼo te ʼu ʼaho lalahi ʼaia? [Tuku ke fai mai hana tali.] ʼE fakahā ʼi te nusipepa ʼaenī, ʼaki te temi kua fetogi te ʼu toʼotoʼoga ʼaē neʼe fai māhani ʼi te ʼu ʼaho lalahi. ʼE toe fakamahino ai foki peʼe feafeaʼi hatatou faka maʼuhigaʼi moʼoni ia te ʼAtua pea mo Kilisito.” Lau age ia Soane 17:3.
Réveillez-vous! ʼaho 22 ʼo Tes.
“Kua hili taʼu e 85, neʼe kaugamālie age te hahaʼi ʼaē neʼe mamate iā vāhaʼa e 24 ʼuhi ko te taʼi mahaki, ʼi te hahaʼi ʼaē neʼe mamate iā taʼu e 24 ʼuhi ko te SITA. Ko ʼihi ʼe nātou fakahigoaʼi ko te tautea ʼaē neʼe fakamataku ʼaupito ʼi te hisitolia ʼo te tagata. Kua koutou logo koa ki te taʼi mahaki ʼaē ko te ihupeʼe faka Sepania? [Tuku ke fai mai hana tali.] ʼE fakahā ʼi te nusipepa ʼaenī peʼe koteā anai ka hoko mo kapau ʼe toe maʼu te taʼi mahaki ʼaia. ʼE ina foaki mai mo te tupuʼaga ke tou loto falala.” Lau age ia Isaia 33:24.
Te Tule Leʼo ʼaho 1 ʼo Sān.
“ ʼE maʼu e te tagata ia te fealagia ʼaē ke ina fai te meʼa ʼaē ʼe lelei, kae ʼe tou fakatokagaʼi ko te ʼu meʼa ʼaē ʼe ina fai māhani, ʼe ko te ʼu meʼa kovi. Neʼe kua koutou feʼekeʼaki koa peʼe koteā tona tupuʼaga? [Tuku ke fai mai hana tali.] ʼE fakahā ʼi te nusipepa ʼaenī te manatu ʼa te Tohi-Tapu ʼo ʼuhiga mo te faʼahi ʼaia, pea mo ina fakamahino ai peʼe mālo feafeaʼi anai te lelei ʼi te kovi.” Lau age ia Loma 16:20.
Réveillez-vous! ʼo Sān.
“Kua koutou feʼekeʼaki koa peʼe feafeaʼi anai ia te malamanei ʼi te ʼu taʼu e 20 peʼe 30 ka haʼu? [Tuku ke fai mai hana tali. Pea koutou lau age ia Pesalemo 119:105.] ʼE fakamahinohino mai ʼi te Tohi-Tapu te ʼu meʼa ʼaē ka hoko, ke feala hatatou ʼiloʼi peʼe feafeaʼi anai ia te ka haʼu. ʼE fakahā ʼi te nusipepa ʼaenī te ʼu lea faka polofeta ʼo ʼuhiga mo totatou temi pea he koʼe ʼe tou lava ʼamanaki ki he ka haʼu taulekaleka.”