He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Fep.

“Ko te tokolahi ʼe mole nātou tali te ʼu meʼa kovi ʼaē neʼe fai e te lotu. Ko ʼihi ʼe nātou ʼui ko te lotu ʼaē ʼe tupu ai te ʼu fihifihia ʼo te malamanei. Koteā tau manatu ki te faʼahi ʼaia? [Tuku ke fai mai hana tali. Lau age ia Apokalipesi 18⁠:24.] Ko te nusipepa ʼaenī ʼe ina fakahā mai te manatu ʼa te Tohi-Tapu ʼo ʼuhiga mo te faʼahi ʼaia.”

Réveillez-vous ! ʼaho 22 ʼo Fep.

“ ʼE lahi te hahaʼi ʼe nātou fia ʼiloʼi lelei te ʼu manu, pea ko ʼihi ʼe nātou fia taupau manu. Kaeā koe? [Tuku ke fai mai hana tali.] Ko te nusipepa ʼaenī ʼe talanoa ki te ʼu fihifihia ʼo te taupau ʼa he manu. ʼE toe talanoa foki ki te fakapapau ʼa te ʼAtua, ʼe ʼi ai anai he temi ʼe maʼuli tahi anai te ʼu manu pea mo te tagata ʼi te tokalelei.” Koutou lau ia Isaia 11:​6-9.

Te Tule Leʼo ʼaho 1 ʼo Mal.

“ ʼI te tahi ʼaho, neʼe fehuʼi age kia Sesu Kilisito: ‘Koteā te ʼuluaki ʼo te ʼu fakatotonu fuli?’ Koʼeni tana tali. [Lau age ia Maleko 12⁠:​29, 30.] ʼE ke fia ʼiloʼi peʼe koteā te faka ʼuhiga ʼo te ʼu palalau ʼaia ʼa Sesu? [Tuku ke fai mai hana tali.] Ko te alatike ‘ ʼE Feafeaʼi Hatatou Fakahā Totatou ʼOfa Ki Te ʼAtua?’ ʼe ina fakamahino mai te faka ʼuhiga ʼo te ʼu palalau ʼiloa ʼaia.”

Réveillez-vous ! ʼaho 8 ʼo Mal.

“ ʼI te tahi temi, neʼe nofo tuʼania te hahaʼi ʼo ʼuhiga mo he tau faka nukeleʼea. ʼI tau manatu ʼe feala koa ia ʼaho nei ke hoko he tau faka nukeleʼea? [Tuku ke fai mai hana tali.] Ko te nusipepa ʼaenī ʼe talanoa ki te ʼu ʼaluʼaga foʼou ʼo totatou temi ʼe maʼuhiga kia tatou fuli. ʼE toe fakamahino ai te fakapapau ʼa te Tohi-Tapu ʼo he mālama ʼe mole toe maʼu ai anai te tuʼania.” Koutou lau ia Sofonia 3:​13.