He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Fep.

“ ʼI tau manatu ʼe leleiʼia koa e te ʼAtua tatatou ʼu faiga ʼaē ke tou fai tona finegalo pea ʼe ina fakapale anai koa ia tātou? [Kotou tuku ke fai mai hana tali pea lau age ia Hepeleo 6:10.] ʼE fakahā ʼi te nusipepa ʼaenī ʼe fiafia te ʼAtua mokā tou faiga ke tou fai te meʼa ʼaē ʼe lelei, logolā totatou ʼuhiga agahala. [Fuli age ia te pāsina 17.]”

Réveillez-vous! ʼo Fep.

“ ʼE ke manatu koa ʼe hoko lā te ʼu faigataʼaʼia ʼi te mālamanei ʼuhi ko te faʼahi ʼaenī? [Lau age ia 1 Soane 5:19. Pea tuku ke fai mai hana tali.] ʼI te ʼalatike ʼaenī, ʼe fakahā ai peʼe ko ai ia ‘te agakovi,’ ohagē ko tona fakamahino ʼi te Tohi-Tapu, pea mo te faʼahi ʼaē ʼe tonu ke tou fai ke mole ina puleʼi tātou.” Fakahā age te ʼalatike ʼaē ʼe kamata ʼi te pāsina 12.

Te Tule Leʼo ʼaho ʼaho 1 ʼo Mal.

“Tokolahi te hahaʼi ʼaē neʼe au fai palalau mo nātou, ʼe natou tuʼania ʼo ʼuhiga mo te mole kei maʼu ʼo te fiafia ʼi te nofo faka taumātuʼa pea mo te tuputupu ʼo te ʼu māvete. Koteā tau manatu ki te faʼahi ʼaia? [Tuku ke fai mai hana tali.] Ko te puleʼaki kiai ʼe ko te maʼuliʼi ʼo te ʼu tokoni ʼaē ʼi te Tohi-Tapu. [Lau age ia Efeso 5:28, 29, 33, pea fuli age te pāsina 3 pea mo te 8.]”

Réveillez-vous! ʼo Mal.

“ ʼI tau manatu, koteā ia te ʼu faigataʼaʼia ʼaē ʼe tau mo te kau tūpulaga iā ʼaho nei? [Tuku ke fai mai hana tali.] ʼE ʼi ai te faigataʼaʼia ʼe talanoa tāfito kiai ʼi te vaega ʼaenī, ko te maʼu ʼo he ʼu fakakaugā ʼe lelei. [Lau age ia Tāʼaga Lea 13:20.] ʼE talanoa ʼi te nusipepa ʼaenī ki te ʼu tuʼutāmaki ʼo te fakaʼaogaʼi ʼo te Itineti moʼo maʼu ʼo he ʼu kaumeʼa pea koteā ʼaē ʼe feala ke ina puipui ia te kau tūpulaga.”