He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Fep.

“Tokolahi te hahaʼi ia ʼaho nei ʼe nātou tuʼania ʼo ʼuhiga mo te mole maʼu gāue, pea ʼe ko ʼihi ʼe lahi fau te ʼu meʼa ʼaē ʼe fakamaʼua age ʼi tanatou fale gāue. ʼI tau manatu la, ʼe feala anai koa ʼi he ʼaho ke tou fiafia pea mo logo fīmālie ʼi tatatou gāue? [Tuku ke fai mai hana tali. Pea koutou lau age ia Isaia 65⁠:​21-​23.] ʼE talanoa Te Tule Leʼo ʼaenī ki te temi ʼaē ka maʼu anai e te hahaʼi fuli he gāue ʼe nātou fiafia ai.”

Réveillez-vous ʼaho 8 ʼo Fep.

“Ko te Réveillez-vous ! ʼaenī ʼe talanoa ki te meʼa fakaʼofaʼofa ʼe hoko moʼoni ʼi totatou temi, ia te gāue paomutu ʼa te tamaliki. Ko te faʼahiga gaohi koviʼi ʼaia ʼo te ʼu kihiʼi tamaliki, ʼe fakapapau mai e te Tohi-Tapu kua vave hoko mai te temi ʼaē ka fakagata ai. [Lau age ia Tāʼaga Lea 2:​21, 22.] ʼE fakahā ʼi te nusipepa ʼaenī te tupuʼaga ʼo te fakaʼaogaʼi kovi feiā ʼo te ʼu tamaliki, pea ʼe fakagata feafeaʼi anai.”

Te Tule Leʼo ʼaho 15 ʼo Fep.

“ ʼE feʼekeʼaki ʼihi hahaʼi peʼe moʼoni koa te ʼAtua. ʼE ʼui e ʼihi ʼe maʼuli kae ʼe mamaʼo fau ia nātou. Koteā tau manatu ki te faʼahi ʼaia? [Tuku ke fai mai hana tali.] ʼE feala ke ke tokagaʼi pe koʼe ʼe maʼuhiga ʼaupito ke tou ʼiloʼi lelei te ʼAtua. [Lau age ia Soane 17:3.] ʼO ʼuhiga mo te faʼahi ʼaia, ʼe ke leleiʼia anai te ʼu ʼuluaki alatike ʼo te nusipepa ʼaenī.”

Réveillez-vous ʼaho 22 ʼo Fep.

“Kia koe la, neʼe fakatuʼutuʼu koa e te ʼAtua ke pakupaku te tagata, ʼo feiā mo te ʼu tamaliki? [Tuku ke fai mai hana tali.] ʼE ʼau fia fakahā atu te fakapapau fakaloto fīmālie ʼe tou maʼu ʼi te Tohi-Tapu. [Lau age ia Pesalemo 72:16.] Ko te Réveillez-vous ! ʼaenī ʼe ina fakahā mai te ʼu tupuʼaga ʼo te mole feʼauga ʼo te meʼa kai, kae tāfito ʼe talanoa ki te fakapapau ʼa te ʼAtua ke ina fakagata te faʼahi ʼaia.”