He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Fep.

“ ʼE faigataʼa maʼa te hahaʼi tokolahi ia hanatou maʼu ia te fiafia ʼi te mālamanei ʼuhi ko te lahi ʼo te ʼu fihifihia. ʼI tau manatu, ʼe feala koa ke tou fiafia ʼi te ʼu ʼaluʼaga ʼaē ʼe tau mo kita ʼi te temi nei? [Tuku ke fai mai hana tali. Pea kotou lau age ia Pesalemo 128:1.] ʼE fakahā mai ʼi te ʼalatike ʼaenī he ʼu tokoni ʼaoga mai te Tohi-Tapu ke tou maʼu ai te fiafia.” Fakahā age ia te ʼalatike ʼaē ʼe kamata ʼi te pāsina 12.

Réveillez-vous! ʼo Fep.

“ ʼE manatu e ʼihi, ko te ʼAtua ʼe ina manatuʼi ia te ʼu hala fuli ʼaē ʼe tou fai. Ko ʼihi atu ʼe natou manatu ʼe ina fakamolemole ia te ʼu agahala fuli pē, tatau aipē pē ko he ʼu agahala mamafa. Koteā tau ia manatu? [Tuku ke fai mai hana tali. Pea kotou lau age ia Gāue 3:19.] ʼE talanoa ʼi te ʼalatike ʼaenī ki he ʼu faʼahi e tolu ʼe fakahā ʼi te Tohi-Tapu ʼe tonu ke tou fai ke tou maʼu ai te ʼofa ʼo te ʼAtua.” Fakahā age ia te ʼalatike ʼaē ʼe kamata ʼi te pāsina 10.

Te Tule Leʼo ʼaho 1 ʼo Mal.

“ ʼAki te ʼu faigataʼaʼia fuli ʼaē ʼe tou tau mo ia iā ʼaho nei, ʼe ke manatu koa ʼe feala ke tou maʼu ia he ʼatamai ʼe tokalelei moʼoni? [Tuku ke fai mai hana tali.] Neʼe maʼu e te hahaʼi tokolahi te tokoni ʼi tanatou vakaʼi ia te ʼamanaki ʼaē ʼe tuʼu ʼi te Tohi-Tapu ʼo ʼuhiga mo te kā haʼu. [Lau age he vaega Tohi-Tapu ʼe tohi kātoa peʼe mole tuʼu kātoa ʼi te ʼalatike ʼaē kā kotou fakahā anai.] ʼE fakahā ʼi te nusipepa ʼaenī pe koteā ʼaē ʼe ʼui ʼi te Tohi-Tapu ʼo ʼuhiga mo totatou haʼuʼaga, te fakatuʼutuʼu ʼo te maʼuli, pea koteā ʼaē kā hoko ʼi te kā haʼu.”

Réveillez-vous! ʼo Mal.

“ ʼI tau manatu ʼe lelei koa te ʼu lotu fuli? [Tuku ke fai mai hana tali.] ʼE feala ke ke tokagaʼi pe koteā ʼaē ʼe ʼui ʼi te Tohi-Tapu ʼo ʼuhiga mo te tauhi ʼaē ʼe fai e ʼihi. [Lau age ia Maleko 7:7.] ʼE lava ʼiloʼi feafeaʼi e he tahi pe akoʼi e he lotu te moʼoni kae mole ko ‘he ʼu fakatotonu fakatagata pē’? ʼE ʼi ai koa he lotu moʼoni? ʼE tali ia te nusipepa ʼaenī ki te ʼu fehuʼi ʼaia.”