He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo Maio

“ ʼI tau manatu ʼe gata anai koa ʼi he temi ia te maʼuli masiva ʼi te malamanei? [Tuku ke fai mai hana tali.] Koʼeni te meʼa ʼaē ʼe fakapapauʼi mai e te ʼAtua. [Lau age ia Isaia 65:21.] Ko te alatike ʼo Te Tule Leʼo ʼaenī ʼe ina fakamahino mai peʼe hoko feafeaʼi anai te fakapapau ʼaia.” Koutou fakatuʼutuʼu ke koutou toe liliu ʼo tali ki te fehuʼi ʼaenī: Ko ʼāfea ʼaē ka hoko ai te fakapapau ʼaia?

Réveillez-vous! ʼaho 22 ʼo Maio

“Tokolahi ʼe nātou ʼiloʼi ʼe maʼuhiga te faigaoʼi ki tota maʼuli, kae tokolahi ʼe nātou fakahā ʼe mole lahi hanatou fai ia te faʼahi ʼaia. Koteā tau ia manatu? [Tuku ke fai mai hana tali.] Ko te nusipepa ʼaenī ʼe talanoa ki te ʼu fua lelei mokā kita faigaoʼi tuʼumaʼu pea ʼe ina tuku mai te ʼu tokoni moʼo fai ia te faʼahi ʼaia logola totatou maʼumaʼua.”

Te Tule Leʼo ʼaho 1 ʼo Sūnio

“Logola ʼe teitei pe ki te hahaʼi fuli ʼe nātou fia fai ki te tokalelei, kae ʼe mole logo tahi ia te malamanei. ʼI tau manatu, ʼe mole feala koa ia te faʼahi ʼaia? [Tuku ke fai mai hana tali.] Ko te nusipepa ʼaenī ʼe talanoa tāfito ki he puleʼaga ʼe ina faka logo tahiʼi anai ia te malamanei.” Lau age ia Pesalemo 72:7, 8, pea koutou fakatuʼutuʼu ke koutou toe liliu ʼo talanoa peʼe hoko feafeaʼi anai ia te faʼahi ʼaia.

Réveillez-vous! ʼaho 8 ʼo Sūnio

“ ʼE ke fakatokagaʼi koa ko te tokolahi ʼe nātou tuʼaniaʼi ia te kosea ʼo te kili? [Tuku ke fai mai hana tali.] Ko te alatike ʼo te Réveillez-vous ! ʼaenī ʼe ina fakamahino mai pe koʼe ʼe lahi ʼaupito te hahaʼi ia ʼaho nei ʼe nātou maʼu ia te mahaki ʼaia, pea koteā ʼaē ʼe tou lava fai moʼo puipui ʼo tatou.” Koutou lau age ia te fakapapau fakaloto fīmālie ʼaē iā Sopo 33:25.