Te Fakamanatu ʼo Te Fakatahi Faka Siliko

ʼE vakaʼi anai ia te ʼu fehuʼi ʼaenī ʼi lalo ʼi te Fono Gāue ʼi he ʼu vāhaʼa ki muʼa atu pea mo he ʼu vāhaʼa ki muli mai ʼo te fakatahi faka siliko ʼo te taʼu gāue 2006. Ko te taupau pelesita ʼe ina vakavakaʼi anai tona teuteuʼi pea mo tona fakamanatu, ohage ko tona tuʼu ʼi Te Minisitelio ʼo Te Puleʼaga ʼo ʼAukusitō 2004, ʼi te pasina 4. Lolotoga te fakamanatu, koutou vakaʼi fuli te ʼu fehuʼi, pea koutou fakahā lelei peʼe feafeaʼi hatatou maʼuliʼi te ʼu manatu ʼaē neʼe fakahā ʼi te fakatahi.

ʼULUAKI ʼAHO

1. E feafeaʼi hatatou kofuʼi ia te ʼulugaaga foʼou, pea he koʼe ʼe tonu ke tou kofuʼi tuʼumaʼu?

2. Koteā te ʼu fakatuʼutuʼu neʼe fai e ʼihi moʼo hikihiki ʼo tanatou fai faka mafola?

3. He koʼe ʼe mole tonu ke tou fakatatau ia tatou ki niʼihi age?

4. ʼE lava fakahā feafeaʼi e he famili kua nātou kofuʼi ia te ʼulugaaga foʼou ʼi tonatou maʼuli faka famili?

5. E feafeaʼi hatatou lagolago agatonu ki te kokelekasio?

6. He koʼe ʼe tonu ke tou gāueʼi ʼi te minisitelio ia totatou ʼulugaaga foʼou?

7. Koteā ia te metitāsio lelei, pea koteā te ʼu lelei ʼe tou maʼu ʼi te taʼi metitāsio ʼaia?

8. Ko te ʼu kalitātē fea ʼaē ʼe feala ai anai kiā Sehova ke ina gāueʼi tatou?

LUA ʼAHO

9. Ko te ʼu ʼaluʼaga fea ʼaē ʼe maʼuhiga ai hatatou fakaʼaogaʼi fakalelei ia totatou ʼalelo?

10. Koteā te ʼu lelei ʼaē ʼe tou maʼu mo kapau ʼe tou fakaʼaogaʼi he ʼu palalau ʼe maʼa ʼi tatatou ʼu fai palalau mo totatou ʼu kaugā gāue, mo totatou ʼu kaugā ako, pea mo ʼihi age hahaʼi?

11. E feafeaʼi hatatou maʼuliʼi ia te tokoni ʼa Paulo ʼaē iā Efeso 4:​25-32, ʼi tatatou ʼu felogoi mo ʼotatou tēhina pea mo tuagaʼane?

12. E feafeaʼi ʼo he faʼahiga faka ʼaogaʼi lelei ʼo te ʼalelo?

13. Koteā ʼaē ʼe tonu ke tou fai ke tou mālo ʼi te agakovi?

14. Ko te ʼu ʼaluʼaga fea ʼaē ʼe tonu ai ke tou faiga ke tou nofo maʼa mai te malamanei?

15. He koʼe ʼe tonu ke tou fakafoʼou ʼi te ʼaho fuli totatou loto, pea ʼe tou lava fakahoko feafeaʼi ia te faʼahi ʼaia?

16. Ko te ʼu tokoni fea ʼo te fakatahi faka siliko ʼo te taʼu ʼaenī ʼe koutou fakatuʼutuʼu ke koutou muliʼi?