Te Fakamanatu ʼo Te Fakatahi Faka Silikosikilipisio

ʼE fakaʼaogaʼi anai te alatike ʼaenī moʼo fakahā fakatomuʼa pea mo fakamanatu te polokalama ʼo te fakatahi faka silikosikilipisio ʼo te taʼu 2005. Ko te alatike “Te Fakatuʼutuʼu Foʼou ʼo ʼUhiga Mo Te ʼu Polokalama ʼo Te ʼu Fakatahi,” ʼaē ʼe tuʼu ʼi te pasina 4 ʼo te pepa ʼaenī, ʼe ina fakamahino peʼe feafeaʼi te fai ʼo te fakamanatu ʼaenī. Lolotoga te fakamanatu, koutou vaevae lelei te temi ke feala hakotou fai fuli te ʼu fehuʼi. ʼE tonu ke fakahā lelei e te fakamanatu peʼe feafeaʼi hatatou maʼuliʼi te ʼu manatu ʼaē neʼe fakahā mai.

POLOKALAMA ʼO TE ʼULUAKI ʼAHO, TE UHU [PEʼE KO TE HILI HOʼATĀ]

1. Koteā ʼaē ka tokoni mai ke tou maʼu te poto ʼaē ʼe haʼu mai te ʼAtua?

2. Koteā te ʼu faiga neʼe fai e te silikosikilipisio moʼo faka aʼu te logo lelei ki te hahaʼi e tokolahi age?

POLOKALAMA ʼO TE ʼULUAKI ʼAHO, TE HILI HOʼATĀ [PEʼE KO TE PŌʼULI]

3. He koʼe ʼe maʼuhiga ki te kau Kilisitiano ke nātou nonofo mālohi ʼi te faʼahi fakalaumālie? Koteā ʼaē ʼe tonu ke tou fai?

4. ʼE tou lava fakahā feafeaʼi ʼe tou fia tokalelei mo totatou ʼu tēhina?

5. Koteā te fakapotopoto, pea ʼe tou lava fakahā feafeaʼi ʼi te faʼahiga fakaʼaogaʼi ʼo totatou temi?

6. Koteā ʼaē ʼe tou ako mai te ʼu faʼifaʼitaki ʼo Saulo pea mo Noe? Koteā te ʼu faʼahi ʼaē ʼe feala ai ke tou fakahā ʼe tou “fia fakalogo”? (Skp. 3:17, MN )

7. ʼE lava tokakaga feafeaʼi te kau Kilisitiano ke mole nātou maʼuli lua?

8. ʼE tou lava faʼifaʼitakiʼi feafeaʼi ia Paulo ʼi tatatou palalau ki te poto ʼo te ʼAtua?

POLOKALAMA ʼO TE LUA ʼAHO, TE UHU

9. He koʼe ʼe tonu ke tou tokakaga mokā tou filifili te ʼu gāue ʼaē ʼe tou fai, pea koteā ʼaē ka tokoni mai ki te faʼahi ʼaia?

10. Koteā te ʼu faiga ʼe fai e ʼihi moʼo kau tuʼumaʼu ki te ʼu fono, pea koteā te ʼu fua lelei ʼe nātou maʼu ʼi tanatou fai te faʼahi ʼaia?

11. ʼE lava feafeaʼi ki te ʼu pule famili ke nātou taupau tanatou loto fale?

12. Neʼe koteā te ʼu meʼa ʼaē ʼe ʼaoga ki te silikosikilipisio?

POLOKALAMA ʼO TE LUA ʼAHO, TE HILI HOʼATĀ

13. Ohage ko tona fakahā ʼi te akonaki ki te kaugamālie, koteā te ʼu gāue faitotonu neʼe fai ʼaki te poto ʼaē ʼe haʼu mai te ʼAtua?

14. He koʼe ʼe mole fakapotopoto hatatou falala kia tatou totonu peʼe kia nātou ʼaē ʼe mole takitaki nātou e te poto ʼo te ʼAtua? Koteā ʼaē ʼe tonu ke tou tokakaga kiai?

15. ʼAki te poto fakaʼatua, ko te ʼu hele fea ʼaē ʼe mole tou tō kiai?

16. He koʼe ʼe maʼuhiga kia tatou ke tou maʼuliʼi te ʼu tokoni ʼaē neʼe foaki mai ʼi te polokalama ʼo te fakatahi faka silikosikilipisio?