Koteā Te Faitoʼo ʼAē ʼe Lelei ʼAupitō?

Neʼe ʼui fēnei e te tōketā pule ko Michael Rose, pea ʼe ina fai te foʼi huki fakamate ki te hahaʼi mokā tafa nātou: “Ko te kau mahaki ʼaē ʼe faitoʼo kae mole ʼai kiā nātou te toto, ʼe fai ai kiā nātou te tafa ʼaē ʼe lelei ʼaupitō.” Koteā te ʼu fakatuʼutuʼu pea mo te ʼu faitoʼo moʼo fetogi ʼo te toto ʼe lava fakaʼaogaʼi ki te ʼu ‘faitoʼo kae mole ʼai te toto’? ʼE tonu ke kotou mahino lelei ki te faʼahi ʼaia, ke feala hakotou fai he ʼu tonu ʼo ʼuhiga mo te ʼu faitoʼo pea mo te agaaga ʼo te tafa ʼaē kā fai atu kiā koutou. Kotou sioʼi te ʼata viteo Pas de sang : la médecine relève le défi, pea ʼaki te ʼu fehuʼi ʼaenī, kotou vakaʼi peʼe koteā ʼaē ʼe kotou mahino kiai.​—Fakatokaga: ʼUhi ʼaē ʼe hā ʼi te ʼata ʼaia he ʼu tafa, ʼe tonu ke vakaʼi e te ʼu mātuʼa peʼe feala anai ki tanatou ʼu fānau ʼaē kei liliki ke nātou sioʼi te ʼata ʼaia.

(1) Koteā te tupuʼaga tāfito ʼaē ʼe mole tali ai e te kau Fakamoʼoni ʼa Sehova te ʼu foʼi huki toto? (2) Koteā te ʼu faitoʼo ʼaē ʼe loto kiai te kau Fakamoʼoni ʼa Sehova? (3) Koteā te meʼa ʼaē ʼe feala ke kole e ia ʼaē ʼe mahaki? (4) He koʼē ʼe ko he aga fakapotopoto te filifili ʼo te ʼu faitoʼo ʼaē ʼe natou fetogi te ʼu foʼi huki toto? (5) Kā lahi fau te toto ʼaē neʼe puli, koteā te ʼu ʼuluaki faʼahi maʼuhiga e lua ʼe tonu ke fai e te kau tōketā? (6) Koteā te ʼu faʼahiga fakatuʼutuʼu faitoʼo e fā moʼo fetogi te ʼu foʼi huki toto? (7) Koteā ʼaē ʼe lava fai e te kau tōketā (a) moʼo fakasiʼisiʼi te hali ʼo te toto, (b) moʼo taupau te ʼu globules rouges, (c) moʼo fakatuputupu ke lahi te toto, pea (d) ke toe maʼu kātoa te toto ʼaē neʼe puli? (8) Fakamatala te ʼu agaaga ʼo te ʼu faitoʼo ʼaē (a) ko te hémodilution pea (b) mo te récupération de sang épanché. (9) Koteā ʼaē ʼe tonu ke fakahā atu ʼo ʼuhiga mo te ʼu faitoʼo ʼaē ʼe natou fetogi te ʼu foʼi huki toto? (10) ʼE feala koa ke fai he ʼu tafa lalahi pea mo faigataʼa ʼe mole fakaʼaogaʼi ai te ʼu foʼi huki toto? (11) Koteā te manatu lelei kua maʼu e te kau tōketā?

Ko te tali ʼo te ʼu faitoʼo ʼaē ʼe fakahā ʼi te ʼata ʼe ʼa tātou takitokotahi te vakaʼi te faʼahi ʼaia, ʼo mulimuli ki totatou leʼo ʼo loto ʼaē neʼe akoʼi ʼaki te Tohi-Tapu. ʼE kua kotou filifili koa maʼa koutou pea mo takotou fānau, he ʼu faitoʼo moʼo fetogi ʼaki te ʼu foʼi huki toto? Ko nātou ʼaē ʼe mole ko he kau Fakamoʼoni ʼi tokotou loto fale, ʼe tonu mo nātou ke natou ʼiloʼi lelei te ʼu meʼa ʼaē kua tou filifili pea mo fakamahino age tona tupuʼaga.​—Vakaʼi “Te ʼu Fehuʼi ʼa Te Kau Lautohi” ʼi te ʼu Tule Leʼo ʼo te ʼaho 15 ʼo Sūnio 2004 pea mo te ʼaho 15 ʼo ʼOketopeli 2000.