ʼE Kotou Mahino Koa Ki Te ʼu Faitoʼo ʼAē ʼe Feala Ke Kotou Filifili?

ʼI te mālamanei, kua lahi te ʼu lōpitali ʼaē ʼe fai ai te ʼu tafa ʼe mole fakaʼaogaʼi te toto. ʼE kotou ʼiloʼi fuli koa te ʼu faʼahiga faitoʼo ʼaē ʼe mole fakaʼaogaʼi ai te toto, pea ʼe kotou lava filifili? ʼE tonu ke kotou ʼiloʼi te ʼu faitoʼo ʼaia ke feala hakotou mālama ki te ʼu tonu ʼaē ʼe kotou fai ʼo ʼuhiga mo he faitoʼo pea mo te tafa ʼaē kā fai kiā koutou. Kotou sioʼi te foʼi ʼata viteo Pas de sang : la médecine relève le défi. ʼOsi ʼaia, kotou faikole pea mo kotou toe vakaʼi te ʼu meʼa ʼaē neʼe kotou ako ʼaki te ʼu fehuʼi ʼaenī ʼe tuʼu ʼi lalo.—Fakatokaga: Mai tona ʼaluʼaga ʼaē ʼe fakahā fakanounou ʼi te foʼi ʼata ia te ʼu fai tafa, ʼe vakaʼi pē anai e te ʼu mātuʼa peʼe natou tuku ke sioʼi e tanatou fānau ʼaē kei liliki.

(1) Koteā te tupuʼaga tāfito ʼaē ʼe fakafisi ai te kau Fakamoʼoni ʼa Sehova ki te ʼu foʼi huki toto? (2) Koteā te ʼu faitoʼo ʼaē ʼe loto kiai te kau Fakamoʼoni ʼa Sehova? (3) Koteā te meʼa ʼaē ʼe feala ke kole e ia ʼaē ʼe mahaki? (4) He koʼē ʼe fakapotopoto pea mo lelei hatatou fili te ʼu faitoʼo ʼaē ʼe natou fetogi te ʼu foʼi huki toto? (5) Kapau neʼe lahi te ʼalu ki tuʼa ʼo te toto, koteā te ʼu ʼuluaki faʼahi maʼuhiga e lua ʼe tonu ke fai e te kau tōketā? (6) ʼE feafeaʼi te ʼu faʼahiga fakatuʼutuʼu faitoʼo e fā moʼo fetogi te ʼu foʼi huki toto? (7) Koteā ʼaē ʼe lava fai e te ʼu tōketā (a) ke siʼisiʼi te ʼalu ki tuʼa ʼo te toto, (b) moʼo taupau te ʼu globules rouges, (c) moʼo fakatuputupu ke lahi te toto, pea (d) ke toe maʼu kātoa te toto ʼaē neʼe ʼalu ki tuʼa? (8) Kotou fakamahino te agaaga ʼo te ʼu faitoʼo ʼaē (a) ko te hémodilution pea mo (b) te récupération de sang épanché. (9) Koteā ʼaē ʼe tonu ke kotou kole ke fakahā atu ʼo ʼuhiga mo te ʼu faitoʼo ʼaē ʼe natou fetogi te ʼu foʼi huki toto? (10) ʼE feala koa ke fai he ʼu tafa lalahi pea mo faigataʼa ʼe mole fakaʼaogaʼi ai te toto? (11) Koteā te manatu lelei kua maʼu e te kau tōketā?

Ko te tali ʼo he ʼu faitoʼo neʼe tou sio kiai ʼi te foʼi ʼata, ʼe tahi fakalogo pē kiā kita takitokotahi, ʼo tahi mulimuli pē ki tona leʼo ʼo loto ʼaē neʼe akoʼi ʼaki te Tohi-Tapu. Kua kotou tukupau koa ki he tonu ʼo ʼuhiga mo he ʼu faitoʼo ʼe kotou tali ke fai kiā koutou pea mo takotou fānau, pea mo kotou tohi ki takotou kiʼi kate toto? Ke kātoa takotou mahino ki te ʼu ʼaluʼaga ʼaia, kotou toe lau fakalelei ia te ʼu ʼalatike “Te ʼu Fehuʼi ʼa Te Kau Lautohi” ʼo Te Tule Leʼo ʼo te ʼaho 15 ʼo Sūnio 2004, pea mo ʼaē ʼo te ʼaho 15 ʼo ʼOketopeli 2000. ʼOsi ʼaia, kotou lau mo te ʼalatike ʼo te pepa ʼaē neʼe tufa tahi mo Te Minisitelio ʼo Te Puleʼaga ʼo Novepeli 2006, “Koteā Taku Manatu ʼo ʼUhiga Mo Te ʼu Kihiʼi Koga ʼAē ʼe Toʼo Mai Te ʼu Koga Tāfito ʼo Te Toto Pea Mo Te ʼu Faitoʼo ʼAē ʼe Fakaʼaogaʼi Kiai Toku Toto?” moʼo fai hakotou ʼu tonu ʼo ʼuhiga mo te ʼu faitoʼo ʼaē ʼe kotou tali anai peʼe kotou fakafisi anai kiai. Ki muli age leva, kotou tohi fakalelei ʼi takotou kiʼi kate toto ia te ʼu meʼa ʼaē ʼe kotou loto kiai. ʼE tonu ke kotou fakamahino kātoa ia te ʼu tonu ʼaē neʼe kotou tukupau kiai kiā nātou ʼaē neʼe kotou tohi tonatou ʼu higoa ʼi takotou kiʼi kate toto, pea mo he tahi pē ʼi tokotou fāmili ʼe mole ko he Fakamoʼoni ʼa Sehova.