ʼE Kotou Fakaʼaogaʼi Feafeaʼi Anai Tokotou Maʼuli?
1 ʼE fehuʼi ʼi ʼihi temi ki te ʼu fānau: “Koteā te gāue ʼaē ʼe ke fia fai anai ki muli age mokā ke lahi?” Kiā koutou ʼu tamaliki tagata, ʼi takotou kei veliveli, neʼe kotou fia liliu koa ko he tagata ʼe gāue ʼi te kau polisi? Peʼe ko he tagata tāmateʼi afi? Peʼe ko he tehina taupau ʼo te silikō? Kiā koutou ʼu finemui, neʼe kotou fia liliu koa ko he afilimie? Peʼe ko he fafine faiako? Peʼe ko he tuagaʼane misionea? ʼI te temi nei, ʼaē kua kotou lalahi ai, ʼe tonu ke kotou fai te tahi fehuʼi ʼaenī: “ ʼE au fakaʼaogaʼi feafeaʼi anai toku maʼuli?” Kua kotou lava fai koa he tonu ki te faʼahi ʼaia?
2 Moʼo tokoni atu ke kotou fai he tonu ʼe lelei, neʼe fai e te kautahi ʼa Sehova te foʼi ʼata DVD ʼaē ko tona kupu tāfito Les jeunes sʼinterrogent... Que vais-je faire de ma vie ? Kotou sioʼi te foʼi ʼata ʼaia, pea mo kotou fakakaukauʼi lelei ia te ʼu meʼa fuli ʼaē ʼe kotou sio kiai, ia te hisitolia ʼaē ʼe fakamatala ai, mo te ʼu fakafehuʼi, pea mo te tahi ʼu faʼahi neʼe hilifaki kiai. Ko te ʼu meʼa kehekehe ʼaē ʼe maʼu ai ʼe fakahā lelei ʼi te fakamatala ʼaē ʼe ʼātakai ko te “Menu principal.”
3 Drame (Te Hisitolia): ʼI takotou sioʼi te hisitolia, kotou fakakaukauʼi te ʼu fehuʼi ʼaenī: (1) Koteā ʼaē ʼe tatau ai ia Timoteo, ʼaē ʼe talanoa ki ai ʼi te Tauhi Foʼou pea mo André? (Gāue 16:1; 1 Tim. 4:8; 2 Tim. 1:5) (2) Neʼe fakaneke feafeaʼi ia André ke liliu ʼo faiva ʼi te faigaoʼi, pea ko ai ʼaē neʼe ina fakaneke ia ia? (3) Ko ai ʼaē neʼe liliu ko he tokoni lelei kiā Timoteo pea mo André, pea neʼe tokoni kiā nāua ʼi te ʼu faʼahi fea? (2 Tim. 1:1-4; 3:14, 15) (4) Neʼe malave feafeaʼi kiā André te tokoni ʼaē iā Mateo 6:24 pea mo Filipe 3:8, pea ʼe malave feafeaʼi kiā koutou?
4 Chapitres (Te ʼu Koga Kehekehe ʼo Te Hisitolia): ʼI takotou ʼosi sioʼi kātoa ia te hisitolia, kotou toe sioʼi te ʼu koga ʼaenī ki lalo ʼo te hisitolia pea mo tali ki te ʼu fehuʼi ʼaenī. “Paul et Timothée” (Paulo Pea Mo Timoteo): Koteā te tokoni fakamuli neʼe fai e Paulo kiā Timoteo? (2 Tim. 4:5) “Donne à Jéhovah le meilleur” (Foaki Kiā Sehova Te Meʼa ʼAē ʼe Lelei): Koteā takotou ʼu fakatuʼutuʼu fakalaumālie? “Prise de position pour Jéhovah” (Ko te fakahā ʼe Lagolago Kiā Sehova): Ko ai te matapuna ʼo te fiafia moʼoni? “Le conseil dʼune grand-mère” (Te Tokoni ʼa Te Kui Fafine): Koteā ʼaē ʼe faihala ai he tahi ʼi tana loto ʼaē ke liliu ʼo ʼiloa ʼi te mālama ʼa Satana? (Mat. 4:9) “Aucun regret” (ʼE Mole ʼi Ai He Fakahemala”): Koteā ʼaē kā tokoni atu anai ke ke fiafia ʼi tou maʼuli?—Taag. 10:22.
5 Interviews (Te ʼu Fakafehuʼi): ʼI takotou sio ki te ʼu faʼahi kehekehe ʼaē ʼe hoa mai kiai, koteā te meʼa lelei ʼe feala ke kotou foaki kiā Sehova? (1) “Se consacrer à des choses vaines ou servir Dieu?” (ʼE Kotou Fakaʼaogaʼi Koa Tokotou Maʼuli Moʼo Kumi He ʼu Meʼa ʼe Vaʼiganoa Peʼe Maʼa Te ʼAtua?) (1 Soa. 2:17); (2) “Apprendre à aimer la prédication” (Kotou Akoako Ke Kotou Leleiʼia Te Fai Faka Mafola) (Pes. 27:14); pea (3) “Une porte ouverte sur lʼactivité” (Ko He Faigamālie Ki Te Selevisi).”—Mat. 6:33.
6 Souvenirs (ʼE Nā Manatuʼi): ʼE feala koa hakotou tali? (1) Koteā te faigaoʼi pea mo te gāue ʼaē neʼe kumi e te tehina pea mo te tuagaʼane ke nā fai, pea koteā tona tupuʼaga? (2) Neʼe feafeaʼi tanā liliu ʼo ʼiloa? (3) Koteā te fetogi maʼuhiga neʼe hoko ʼi tonā maʼuli? (2 Ko. 5:15) (4) Ko te ʼu gāue faka teokalatike fea ʼaē neʼe natou fetogi te ʼu meʼa ʼaē neʼe nā fia fai ʼi muʼa atu, pea he koʼē neʼe nā manatu neʼe mole kei feala hanā mulimuli ki te ʼu meʼa ʼaē neʼe nā loto kiai ʼi muʼa atu? (5) ʼE nā fakahemala koa ʼi tanā fetogi tanā ʼu fakatuʼutuʼu ʼi tonā maʼuli? (6) Koteā te ʼu palalau neʼe nā fai pea neʼe kotou fakakaukauʼi ai peʼe kotou fakaʼaogaʼi feafeaʼi anai tokotou maʼuli?
7 Autres interviews (Te Tahi ʼu Fakafehuʼi): ʼI te ʼu fakafehuʼi ʼaia, koteā ʼaē neʼe kotou ako ʼe feala ai ke lahi age takotou mulimuli kiai ʼi te tauhi ʼaē kiā Sehova? (1) “La valeur de l’étude individuelle” (Te Maʼuhiga ʼo He Fai ʼa He Ako Takitokotahi), (2) “Dʼautres façons de prêcher” (Te Tahi ʼu Faʼahiga Fai Faka Mafola), (3) “Le service au Béthel” (Te Gāue ʼi Te Petele), (4) “Guiléad : la formation au service missionaire” (Te Ako ʼa Te Kau Misionea ʼi Kileate), pea (5) “L’École de formation ministérielle” (Te Ako ʼo Te Minisitelio).—Vakaʼi te “Index de publications traitant des sujets abordés” (Te Fakahāhāʼaga ʼo Te ʼu Tohi ʼo ʼUhiga Mo Te ʼu Manatu ʼAenī), pea kotou lau he tahi age ʼu meʼa ʼo ʼuhiga mo te ʼu meʼa ʼaē ʼe kotou fia ʼiloʼi.
8 Kua kotou ʼiloʼi koa peʼe kotou fakaʼaogaʼi feafeaʼi anai tokotou maʼuli? Neʼe uga fēnei e Paulo ia Timoteo: “Mauliʼi ia mea alâ, pea ke nofoaki te u mea aia, ke ha lelei ki te hahai fuape tau lakalaka ki mua.” (1 Tim. 4:15) ʼE matou fakaloto mālohiʼi koutou ke kotou fai fēia te ʼu meʼa ʼaē neʼe kotou sisio pea mo logo kiai ʼi te DVD ʼaenī. Kotou kole kiā Sehova ke tokoni atu ke kotou filifili fakapotopoto te faʼahi ʼaē kā kotou maʼu moʼoni ai te fiafia pea mo he ʼuhiga ʼo tokotou maʼuli ʼi te temi nei pea mo he kā haʼu ʼe fakafiafia.
[Talanaoa ʼo te pasina 6]
MENU PRINCIPAL
Drame
Chapitres (Ko koga e 11)
Interviews
Démarrer
Sections (ko koga e 3)
Souvenirs
Suppléments
Autres interviews
Index de publications traitant des sujets abordés
Sous-titres
Texte à l’écran
Malentendants
Aucun
Moʼo filifili te ʼu faʼahi ʼaē ʼe kotou fia sioʼi, kotou lomi ʼi te Suite ▶, ◀ Retour, mo te Menu principal