Les jeunes sʼinterrogent... Que vais-je faire de ma vie ? (Lua Koga)
ʼI te foʼi ʼata DVD Les jeunes sʼinterrogent... Que vais-je faire de ma vie ?, kotou lomiʼi ki te Interviews, ʼosi ʼaia pea kotou lomiʼi Sections. ʼI te hili ʼo takotou sioʼi ia te ʼu koga e tolu takitahi, kotou fakaʼaogaʼi ia te ʼu fehuʼi ʼo te palakalafe 2. ʼI te Menu Principal kotou lomiʼi ki te Suppléments pea ʼi te hili ʼo takotou sioʼi ia te ʼu koga e nima takitahi, kotou fakaʼaogaʼi ia te ʼu fehuʼi ʼo te palakalafe 3.
Sections—Se consacrer à des choses vaines ou servir Dieu ? (ʼE Kotou Fakaʼaogaʼi Koa Tokotou Maʼuli Moʼo Kumi He ʼu Meʼa ʼe Vaʼiganoa Peʼe Maʼa Te ʼAtua?): (1) Ko te ʼu fakatuʼutuʼu fea ʼaē ʼe ina fakaneke ia te kau tūpulaga ke natou fakahoko? (2) ʼE tokoni feafeaʼi ia 1 Soane 2:17 ki te kau tūpulaga ke natou filifili pe ko te faʼahiga ako fea ʼaē ʼe tonu ke natou fai? (3) He koʼē ʼe mole tonu ke tou tuku ia te mataku ke ina tāʼofi ia tatatou fia papitema? (4) Koteā ʼaē ʼe feala ke tokoni mai ke tou tuputupu ʼo kaku ki te papitema? Apprendre à aimer la prédication (Kotou Akoako Ke Kotou Leleiʼia Ia Te Fai Fakamafola): (5) He koʼē ʼe mole leleiʼia e ʼihi ia te fai fakamafola? (6) Koteā ʼaē ʼe feala ke tokoni mai ke tou leleiʼia ia te fai fakamafola? (7) Koteā ʼaē ʼe tou mātataku ai ʼo lahi age ʼi tatatou mātataku ʼi te palalau ki he tahi ʼe mole tou ʼiloʼi, pea koteā tona tupuʼaga? (8) ʼE tou lava tauʼi feafeaʼi totatou mataku pea mo maʼu ai he lototoʼa ke feala hatatou palalau ki he tahi? (9) He koʼē ʼe ʼaoga ke tou faiva ʼi te minisitelio? Une porte ouverte sur lʼactivité (Ko He Faigamālie Ki Te Selevisi): (10) ʼE tokoni feafeaʼi mai ia te selevisi pioniē ke tou maʼu he ʼu faigamālie ke tou tuputupu ai ʼi te faʼahi fakalaumālie? (Filp. 3:16) (11) He koʼē ʼe lotolotolua ʼihi ke natou toʼo ia te selevisi pioniē? (12) Koteā ia te ʼu pelesepeto Fakatohi-tapu ʼe tokoni mai ke tou tauʼi ia te ʼu fihifihia fakaekonomika? (13) Koteā ʼaē neʼe fai e ʼihi ke feala hanatou gāue pea mo kau ki te selevisi pioniē? (14) Koteā ʼaē ʼe feala ke fai e he tahi mo kapau ʼe mole feala ke kau ki te selevisi temi kātoa?
Suppléments—La valeur de l’étude individuelle (Te Maʼuhiga ʼo Te Fai ʼo He Ako Takitokotahi): (15) He koʼē ʼe maʼuhiga ke tou fai tuʼumaʼu hatatou ako takitokotahi? Dʼautres façons de prêcher (Te Tahi ʼu Faʼahiga Fai Fakamafola): (16) ʼE tokoni feafeaʼi mai ia tatatou kau ki te ʼu ʼaluʼaga kehekehe ʼo te minisitelio ke ina fakatuputupu totatou fiafia? Le service au Béthel (Te Gāue ʼi Te Petele): (17) Koteā te ʼu lelei ʼe maʼu ʼi te gāue ʼi te Petele? L’École de formation ministérielle (Te Ako ʼo Te Minisitelio): (18) Neʼe fua lelei feafeaʼi ia te ako ʼaia (ʼaē kua fakahigoaʼi ʼi te temi nei ko te Ako Tohi-Tapu ʼo Te ʼu Tehina Selipatea) kiā nātou ʼaē neʼe kau kiai? Guiléad : La formation au service missionnaire (Te Ako ʼa Te Kau Misionea ʼi Kileate): (19) Neʼe teuteu feafeaʼi ia Peter pea mo Fiona ke nā misionea pea koteā te ʼu fua lelei neʼe nā maʼu mai te ako ʼaia?