Te Tohi Mai Te Filiale

Naʼi Tehina Mo Tuagaʼane,

ʼE matou fiafia ʼi te sio ki te tuputupu ʼo te gāue ʼi te telituale ʼo Niu-Kaletōnia ʼi te taʼu gāue 2007. Neʼe ko te tuputupu foʼou ʼi te kau Pioniē Kātoa ʼi te ʼu fenua ʼaenī e tolu: ʼi Fepualio, neʼe ko pioniē kātoa e toko 35 ʼi Vanuatu, pea ʼi ʼApelili neʼe ko he tuputupu foʼou ʼi Uvea, neʼe ko te toko 10 pioniē kātoa, pea ʼi Niu-Kaletōnia neʼe ko te toko 91. ʼOfa pē ke tapuakina lahi e Sehova ia nātou fuli ʼaē ʼe natou tauhi agatonu kiā te ia ʼaki he loto kātoa!

Neʼe tufa ʼi te telituale kātoa ʼo Niu-Kaletōnia te ʼu pepa lotu e 96 667 ʼo Te Logo ʼo te Puleʼaga N° 37, ʼaē ko tona kupu tāfito “Kua Vave Fakaʼauha Te ʼu Lotu Hala!” ʼI meʼa fakaloto mālohi hatatou tokagaʼi ia te toe fagonogono fakaofoofo neʼe fakahoko ʼi te mālamanei kātoa ki te toko lauʼi miliona hahaʼi! ʼI te tahi kolo, ko te tuagaʼane neʼe mole kei kau ki te ʼu gāue ʼo te kōkelekāsio, neʼe mole kei mamoe ʼi tana ʼosi maʼu pea mo lau te pepa lotu ʼaia. ʼI te ʼAhotapu ʼaē neʼe hoa mai ki tana maʼu ʼo te pepa lotu ʼaia, neʼe kau ki te fono pea neʼe ina kole ke fai hana ako Tohi-Tapu.

Ko te fakatuʼutuʼu ʼo te tufa makehe ʼaia, ko te tokoni ki te hahaʼi loto fakamālotoloto ke natou ako pe koteā ʼaē ʼe akoʼi moʼoni mai ʼi te Tohi-Tapu. (Mat. 28:19, 20) ʼI takotou fai faka mafola, kotou manatuʼi ʼo tohi te higoa ʼo te hahaʼi fuli pē ʼaē neʼe fia logo, pea mo kotou toe ʼaʼahi nātou ʼaki te fakatuʼutuʼu ʼaē ke kotou kamata hanatou ako Tohi-Tapu. ʼI te taʼu gāue ʼaenī kā kamata, ʼe feala ke tou fai he tahi ʼu fakatuʼutuʼu: tou faiga ke tou tokoni ki te ʼu pioniē foʼou, ʼaē ko te tokolahi iā nātou ʼaia, ʼe ko te kau tūpulaga, peʼe mole heʼeki faʼa fualoa tonatou ʼi te moʼoni. Pea ʼe toe tōkakaga anai te ʼu mātuʼa ke natou fai te ako ʼo tanatou ʼu fānau. ʼE matou fiafia ʼi tamatou gāue fakatahi mo koutou ʼi te gāue maʼuhiga ʼaia, pea ʼe matou momoli atu tomatou ʼofa fakatautehina.

Tokotou ʼu tehina,

Te Filiale ʼo Niu-Kaletōnia