Te Tali Ki ʼAkotou ʼu Fehuʼi

◼ Koteā anai ʼe tonu ke kotou fai mo kapau ʼe fakatotonu mai ke tuku ia te fai fakamafola?

ʼI ʼihi lakaga, neʼe ʼui e te kau polisi ki te kau fai fakamafola ʼaē ʼe lolotoga fai fakamafola ʼi te telituale, ʼe natou fakafeagai ki te lao, pea mo fakatotonu age kiā nātou ke tuku ia tanatou fai fakamafola. Kapau ʼe fakatotonu atu ke tuku takotou fai fakamafola, pea ʼe tonu ke kotou foimo fakalogo pea mo mavae mai te telituale ʼaia ʼaki he aga fakaʼapaʼapa. (Mat. 5:41; Filp. 4:5) ʼAua naʼa kotou faiga ke kotou fakatokatoka tokotahi ia te faʼahi ʼaia ʼaki hakotou lagaʼi he fai palalau ki he ʼu lao ʼo te puleʼaga ʼe lagolago ki tatatou fai fakamafola. Kapau ʼe fealagia, kotou tohi te nūmelo ʼo te polisi ʼaia pea mo te tuʼasila ʼo te fale polisi ʼaē ʼe gāue ai. ʼOsi ʼaia, kotou foimo fakahā ki te kau tagata ʼāfea, ko nātou anai ʼaē kā felōgoi mo te filiale ʼo ʼuhiga mo te ʼaluʼaga ʼaia. ʼO toe fēia pē, kapau ʼe kole atu ke kotou mavae ʼi he falefata peʼe ko he koga meʼa ʼe leʼo peʼe ko he tahi age ʼu fale ʼe tapuʼi atu, ʼe tonu ke kotou foimo fakalogo pea mo fakahā ki te kau tagata ʼāfea. Ko he felōgoi ʼaki he agavaivai mo nātou ʼaē ʼe takitaki, ʼe lagolago tāfito ki te fakagata ʼo he fihifihia.—Taag. 15:1; Loma 12:18.