He ʼu Manatu ʼo ʼUhiga Mo Te ʼu Nusipepa
Te Tule Leʼo ʼaho 1 ʼo ʼOketopeli
“ ʼE mahino mai kiā au ʼe ke feʼekeʼaki peʼe feafeaʼi anai tou maʼuli ʼi te kā haʼu. ʼI te faikole ʼo te Tamai ʼe ʼi selō, neʼe akoʼi mai e Sesu ke tou faikole ke fakahoko te finegalo ʼo te ʼAtua ʼi te kele ohagē ko tona fai ʼi selō. ʼE feafeaʼi anai te kele mokā hoko te faʼahi ʼaia? [Tuku ke fai mai hana tali.] Koʼenī te pāki ʼo te palatiso ʼi te kele. [Fakahā age te pāki ʼi te pāsina 8 mo te 9. Pea kotou lau age ia Pesalemo 72:12-14, ʼo kotou fakapipiki kiai te pāsina 6.] ʼE mole koa lā fakaofoofo te maʼuli ʼi he mālama fēia? ʼE fakahā atu anai ʼi te nusipepa ʼaenī peʼe feafeaʼi kiā koutou mo tokotou fāmili hakotou māʼuʼuli ʼi he palatiso ohagē ko ia ʼaenī.”
Réveillez-vous! ʼo ʼOketopeli
“ ʼI te manatu ʼa ʼihi, ko te ʼAtua ʼe ko he mālohi pē ia. Maʼa te tahi faʼahiga hahaʼi, ʼe ko he tahi ʼe ʼi ai te ʼu meʼa ʼe ina logoʼi ʼi tona loto. Koteā tau manatu ki te faʼahi ʼaia? [Tuku ke fai mai hana tali.] Ke ke tokaga age muʼa te palalau maʼuhiga ʼaenī. [Lau age ia 1 Petelo 5:6, 7.] Ko te ʼalatike ʼaē ʼe kamata ʼi te pāsina 29 ʼe ina fakahā mai ia te manatu ʼa te Tohi-Tapu ki te fehuʼi ʼaenī: Ko te ʼAtua, ʼe ko he tahi koa ʼe maʼuli moʼoni?”
Te Tule Leʼo ʼaho 1 ʼo Novepeli
“Ko te hahaʼi ʼi te mālamanei kātoa ʼo te ʼu lotu fuli ʼe natou faikole. ʼI tau manatu lā, ʼe fagono koa te ʼAtua ki te ʼu faikole pea mo tali kiai? [Tuku ke fai mai hana tali.] ʼE fakalotomālohiʼi tātou ʼi te Tohi-Tapu ke tou faikole. [Lau age ia Filipe 4:6, 7.] ʼE fakahā mai ʼi te nusipepa ʼaenī ia te tali ʼa te Tohi-Tapu kiā fehuʼi e fitu ʼe fai māhani ʼo ʼuhiga mo te faikole.”
Réveillez-vous! ʼo Novepeli
“Ko ʼihi hahaʼi ʼe mole tui ki te ʼAtua ʼe natou fakahā te ʼu aga kovi ʼaē neʼe fai ʼi te huafa ʼo te ʼAtua pea ʼi tanatou manatu ʼe lagi maʼuli fīmālie age te mālamanei mo kapau ʼe mole ʼi ai he lotu. Koteā tau manatu ki te faʼahi ʼaia? [Tuku ke fai mai hana tali.] Koʼenī te tupuʼaga ʼo te fakatupu e te lotu hala te maʼuli mamahi. [Lau age ia 2 Timoteo 4:3, 4.] ʼE fakamahino ʼi te nusipepa ʼaenī, pe koteā ʼaē ʼe hala ai te manatu ʼa te hahaʼi ʼaē ʼe mole tui ki te ʼAtua.”