He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Tesepeli

“ ʼE lauʼi teau te ʼu lotu kehekehe iā ʼaho nei. ʼE natou akoʼi ki te hahaʼi te ʼu faʼahiga akonaki kehekehe ʼe mole tatau tona ʼu fakamahino. Ko ʼihi ʼe natou ʼui ʼe lelei fuli pē te ʼatu ʼu lotu pea ʼe mole kehekehe te ʼu lotu ʼaia mo te ʼu akonaki ʼaē ʼe tou tui kiai. Koteā takotou manatu kiai? [Tuku ke fai mai hana tali.] Neʼe tala fakalelei e Sesu ʼe ko lotu pē e lua. [Lau age ia Mateo 7:13-14.]” Kotou fakatokagaʼi age te ʼalatike ʼaē ʼe kamata ʼi te pāsina 9.

Réveillez-vous! ʼo Tesepeli

“Tokolahi ʼe natou feʼekeʼaki, ‘Kapau ʼe ʼi ai he ʼAtua, he koʼē koa ʼe mole ina pulihi te Tēvolo?’ Neʼe kua kotou fai koa te fehuʼi ʼaia? [Tuku ke fai mai hana tali.] Ko te ʼalatike ʼaē ʼe tā ʼi te pāsina 10 pea mo te 11, ʼe tali ki te fehuʼi ʼaia ʼaki te Tohi-Tapu. ʼE ina toe fakahā mai mo te meʼa ʼaē kā hoko ki te mālamanei mokā pulihi anai te Tēvolo.” Lau age ia Fakahā 21:3, 4.

Te Tule Leʼo ʼaho 1 ʼo Sānualio

“ ʼE tui te tokolahi ʼe ʼi ai ʼihi ʼe nonofo ʼi te potu fakalaumālie pea ʼe natou lava tokoni mai kiā tātou peʼe natou fakahalaʼi tātou. Koteā takotou manatu? [Tuku ke fai mai hana tali. Pea kotou lau age ia Fakahā 12:7-9.] ʼE fakahā ʼi te nusipepa ʼaenī te manatu ʼa te Tohi-Tapu ʼo ʼuhiga mo nātou ʼaē ʼe natou maʼuli ʼi te ʼu potu fakalaumālie, ʼe feafeaʼi hanatou tokoni mai kiā tātou peʼe natou fakahalaʼi tātou, peʼe feala hatatou felōgoi mo nātou.”

Réveillez-vous! ʼo Sānualio

Fakahā age te takafi ʼo te nusipepa pea kotou fehuʼi fēnei age: “ ʼE kotou tali feafeaʼi anai ki te fehuʼi ʼaenī? [Tuku ke fai mai hana tali.] ʼE fakalotomālohiʼi ʼi te Tohi-Tapu ke maʼuli tokalelei te hahaʼi fuli. [Lau age ia Sake 3:17.] Koia, he koʼē neʼe mole lava fakalogotahiʼi e te lotu te mālamanei? ʼE liliu anai koa te lotu ko he mālohi moʼo fakatuʼu te tokalelei? ʼE fakahā ʼi te nusipepa te ʼu tali ki te ʼu fehuʼi ʼaia.”