He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Fepualio

“Neʼe mole heʼeki ke feʼekeʼaki koa lā pe koʼē neʼe fakaʼaogaʼi e Satana he gata moʼo kākāʼi ia Eva? [Tuku ke fai mai hana tali.] ʼE au fia fakahā atu he manatu ʼe ke leleiʼia anai.” Fai palalau ki te ʼalatike ʼi te pāsina 23 pea mo he vaega Tohi-Tapu e tahi ʼe tuʼu ai. Foaki age te ʼu nusipepa, pea kotou fakatuʼutuʼu ke kotou toe ʼaʼahi ia ia moʼo vakaʼi peʼe ʼaoga feafeaʼi te nusipepa ʼaia kiā tātou iā ʼaho nei.

Réveillez-vous! ʼo Fepualio

“ ʼE ʼui e ʼihi ko te Tohi-Tapu ʼe mole felōgoi mo te poto fakatagata heʼe ko he tohi ia kua ʼāfea. Koteā tau manatu ki te faʼahi ʼaia? [Tuku ke fai mai hana tali.] Tokolahi ʼe natou punamaʼuli ʼi tanatou lau te ʼu folafola ʼaenī ʼi te Tohi-Tapu. [Lau age ia Isaia 40:22.] Ko te ʼalatike ʼaē ʼe kamata ʼi te pāsina 22 ʼe tali ki te fehuʼi ʼaenī: ʼE felōgoi tahi koa te Tohi-Tapu pea mo te poto fakatagata?”

Te Tule Leʼo ʼaho 1 ʼo Malesio

“Kua lahi te ʼu māvete ʼe hoko ʼi te temi nei. ʼI tau manatu lā, koteā te tupuʼaga tāfito ʼo te faʼahi ʼaia? [Tuku ke fai mai hana tali.] ʼE au fia lau atu te manatu ʼaenī neʼe tokoni ki te ʼu taumātuʼa ʼe tokolahi. [Lau age ia 1 Kolonito 10:24.] ʼE fakahāhā ʼi te nusipepa ʼaenī te ʼu lāuga e ono ʼe fai māhani e te ʼu tagata mo te ʼu fafine ʼohoana pea mo fakahā ai pe lava tokoni feafeaʼi kiā tātou ia te maʼuliʼi ʼo te ʼu pelesepeto Fakatohi-tapu.”

Réveillez-vous! ʼo Malesio

“ ʼE matou vaevae mo te hahaʼi te vaega Tohi-Tapu fakalotomālohi ʼaenī, heʼe matou tokagaʼi ʼe tokolahi te hahaʼi ʼe natou māhahaki. [Lau age ia Isaia 33:24.] Kā hoko anai ia te faʼahi ʼaenī, ʼi tau manatu lā ʼe feafeaʼi anai te maʼuli? [Tuku ke fai mai hana tali.] ʼO fakatalitali ki te temi ʼaē kā fakahoko ai e te ʼAtua te fetogi ʼaia, ʼe ʼi ai te ʼu faʼahi tāfito ʼe feala ke tou fai e tātou fuli ke mole tou māhahaki ai. ʼE fakamahino te ʼu faʼahi ʼaia ʼi te nusipepa ʼaenī.”