ʼE Feafeaʼi Te Fakaʼaogaʼi Ia Te Pepa Veuillez suivre lʼintérêt (S-43)

ʼE tonu ke kotou tohi te pepa ʼaia mokā kotou maʼu he tahi neʼe fia logo ki takotou fai fakamafola kae ʼe mole nofo ʼi tokotou telituale peʼe palalau ʼi he tahi lea. Logolā ʼi te temi muʼa neʼe tou fakaʼaogaʼi ia te pepa ʼaia mokā neʼe tou felāveʼi mo he tahi neʼe palalau ʼi he tahi lea tatau aipē pe neʼe fia logo peʼe kailoa, kae ʼi te temi leva ʼaenī ʼe hoki tou tohi pē anai te pepa ʼaia mokā fia logo he tahi ki tatatou fai fakamafola. Kae kapau leva ʼe tou felāveʼi mo he tahi ʼe tuli, peʼe fia logo peʼe kailoa, kae ʼe tou tohi pē anai te pepa S-43.

Kā tou ʼosi tohi te pepa ʼaia, koteā ʼaē ʼe tonu ke tou fai? ʼE tonu ke tou ʼave te pepa ʼaia ki te sīkalaipe ʼo te kōkelekāsio. Kapau ʼe ina ʼiloʼi ia te kōkelekāsio ʼaē ʼe tonu ke momoli kiai te pepa ʼaia, pea ʼe feala pē ke ina foaki ki te ʼu tagata ʼāfea ʼo te kōkelekāsio ʼaia ke natou fakatuʼutuʼu he tahi ke tokoni kiā ia ʼaē ʼe fia logo. Kapau ʼe mole ina ʼiloʼi te kōkelekāsio, pea ʼe ina ʼave anai te pepa ʼaia ki te filiale.

Kapau ko ia ʼaē ʼe fia logo ki takotou fai fakamafola ʼe palalau ʼi he tahi lea pea ʼe nofo ʼi tokotou telituale, ʼe feala pē ke kotou haga ʼaʼahi ia ia ke kotou taupau ai tana fia logo ʼo aʼu ki te hoki ʼalu age ʼa he kaugā fagona ʼo te kōkelekāsio ʼaē ʼe palalau ʼi tana lea.—Vakaʼi Te Minisitelio ʼo Te Puleʼaga ʼo Novepeli 2009, ʼi te pāsina 4.