Te Tali Ki ʼAkotou ʼu Fehuʼi

◼ ʼE tonu koa ke tou faikole mokā fai he ako Tohi-Tapu ʼi te gutu matapā?

ʼE lahi te ʼu tapuakina ʼe tou maʼu ʼaki tatatou kamata pea mo fakaʼosi he ako Tohi-Tapu ʼaki te faikole. ʼAki te faikole; ʼe tou kole kiā Sehova tona laumālie māʼoniʼoni ʼi totatou fai palalau ʼaia. (Luka 11:13) ʼE toe hā foki ʼaki te faikole ia te maʼuhiga ʼo te ako ʼo te Tohi-Tapu pea mo ako ki ai peʼe feafeaʼi hana faikole. (Luka 6:40) Koia, ʼaē ʼe lelei ai ke tou foimo kamata ia te ako ʼaki te faikole. Kae mai tona ʼaluʼaga ʼe kehekehe te ʼu ʼaluʼaga, ʼe tonu kiā ia ʼaē ʼe ina fai te ako ke ina maʼu te fakasiosio tonu peʼe feala ke faikole mokā ina fai he ako Tohi-Tapu ʼi te gutu matapā.

Ko te faʼahi ʼe maʼuhiga ke fakatokagaʼi, ʼe ko te koga meʼa ʼaē ʼe fai ai te ako. Kapau ʼe tou fai te ako ʼi he koga meʼa ʼe hagē ʼe tou tō ʼāteaina mai he ʼu hahaʼi, ʼe feala pē ke fakanounou tatatou faikole moʼo kamata pea mo fakaʼosi mokā ko he ako kua fai tuʼumaʼu. Kae, kapau ʼi tona faʼahiga fai ʼaia ʼe feala ke fakatokagaʼi e te hahaʼi peʼe feala kiā ʼaē ʼe ina ako te Tohi-Tapu ke ufiufi, ʼe lagi lelei age ke maʼu he koga meʼa ʼe lāvaki ke fai ai te ako. Logolā he koga meʼa pē ʼe fai ai te ako, kae ʼe maʼuhiga ke tou maʼu he fakasiosio lelei peʼe ko te temi fea ʼaē kua feala ke fai ai te faikole.—Vakaʼi ia Te Minisitelio ʼo Te Puleʼaga ʼo Malesio 2005, ʼi te pāsina 4.