He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Fepualio

“Ko ʼihi ʼe natou tui ko te Tohi-Tapu ʼe ko he tohi ʼe tou falala kiai ʼo ʼuhiga mo te ʼu lea fakapolofetā. Pea ko ʼihi atu, ʼe natou ʼui ʼe ko he tohi ʼe maʼu ai he ʼu lea fakakikite ʼe mole faʼa mahino lelei ʼe feala ke lahi ai he ʼu fakamahino kehekehe ke tou fai kiai. Koteā lā tau manatu?” Tuku ke fai mai hana tali. Kotou fakatoʼo age ki ai ia Te Tule Leʼo ʼo te ʼaho 1 ʼo Fepualio, pea kotou fai palalau ki te ʼuluaki kupu taki ʼo te pāsina 11 pea mo kotou lau age ia he vaega Tohi-Tapu ʼe tuʼu ʼi ai. Kotou foaki age te ʼu nusipepa, pea mo kotou fakatuʼutuʼu ke kotou toe liliu age ʼo tali ki te fehuʼi ʼaē ʼe hoa mai kiai.

Te Tule Leʼo ʼaho 1 ʼo Fepualio

“ ʼE feala ke tou maʼu he ʼu ako mai te ʼu tagata pea mo te ʼu fafine lalahi ʼo te hisitolia. ʼE ke fakamoʼoni koa ki te faʼahi ʼaia? [Tuku ke fai mai hana tali.] ʼE talanoa ia te vaega ʼaenī ki te tagata lahi, ko te tagata pē ʼaia e tahi neʼe higoaʼi ʼi te Tohi-Tapu “ko te kaumea o te Atua.” [Lau ia Sakopo 2:23.] ʼE fakamahino mai ʼi te nusipepa ʼaenī pe koʼē neʼe fakaʼuhiga e te ʼAtua ia ia ko tona kaumeʼa pea ʼe toe talanoa ki te ako ʼaē ʼe feala ke tou tāʼofi mai te faʼifaʼitaki ʼo Apalahamo.”

Réveillez-vous! ʼo Fepualio

Kotou fakahā age ia te takafi ʼo te nusipepa, pea kotou ʼui fēnei age: “Ko te tokolahi ʼe natou fiafia ʼi te felōgoi fakahagatonu mo te hahaʼi, kae ʼi te temi nei kua tokolahi ʼe natou fia felōgoi ʼi te Neti. ʼI tau manatu, ʼe feala koa ke fakatupu tuʼutāmaki te taʼi felōgoi ʼaia? [Tuku ke fai mai hana tali.] ʼI te Tohi-Tapu, ʼe maʼu ai te ʼu pelesepeto moʼo puipui tātou. [Fuli age te ʼu pāsina 6-9, pea mo fai palalau ki he fehuʼi e tahi mo lau age he vaega.] ʼE au fakalotomālohiʼi koe ke ke lau ia te ʼalatike ʼaenī ke ke mahino pea mo fakamamaʼo mai te ʼu tuʼutāmaki ʼaē ʼe pipiki ki te felōgoi mo ʼihi ʼi te Neti.”