ʼE Maʼu Te ʼAlatike Foʼou ʼi Te Tule Leʼo

ʼI te ʼu ʼuluaki Moeaki ʼo te māhina, neʼe tou fakaʼaogaʼi ia te ʼalatike ʼo Te Tule Leʼo “Tou Ako Mai Te Folafola ʼa Te ʼAtua” moʼo kamata he ʼu ako Tohi-Tapu. ʼO kamata atu ʼi te māhina ʼo Sānualio, ʼe fetogi anai ʼaki te ʼalatike “Te ʼu Tali Ki Te ʼu Fehuʼi Fakatohi-tapu,” ʼaē ʼe maʼu anai ʼi te pāsina fakaʼosi ʼo te nusipepa ki te tufa. ʼE feala ke tou fakaʼaogaʼi ia te ʼalatike “Te ʼu Tali Ki Te ʼu Fehuʼi Fakatohi-tapu” ʼi te minisitelio ohagē ko tatatou fakaʼaogaʼi te ʼalatike “Tou Ako Mai Te Folafola ʼa Te ʼAtua.” Ohagē ko te temi muʼa, ʼe tou maʼu anai ʼi Te Minisitelio ʼo Te Puleʼaga ia te faʼifaʼitaki ʼo he ʼu ʼuluaki palalau ʼaē ʼe feala ai ke tou fakaʼaoga ʼi te ʼuluaki Moeaki ʼo te māhina.