Kotou Fakaʼaogaʼi Ia Tatatou Tuʼasila ʼAē ʼi Te Neti—Ki Takotou Minisitelio
Fakalotomālohi Te Hahaʼi Ke Natou Vakaʼi Tatatou Tuʼasila ʼi Te Neti: Ko ʼihi ʼaē ʼe mole natou fia palalau mo tātou peʼe mole tali he tohi, ʼe natou lotolelei ke natou fai he ʼu kumi iō nātou ʼo ʼuhiga mo te kau Fakamoʼoni ʼa Sehova ʼi tatatou tuʼasila jw.org. Koia kotou fakahā te tuʼasila ʼaia ʼi te ʼu faigamālie fuli.
Moʼo Tali Ki He ʼu Fehuʼi: ʼI ʼihi temi ko ia ʼo te ʼapi, peʼe ko he tahi ʼe fia logo, peʼe ko hotatou feʼilo ʼe ina fai anai he fehuʼi ʼo ʼuhiga mo te kau Fakamoʼoni ʼa Sehova peʼe ko ʼatatou akonaki. Kotou foimo fakahā age te tali ʼaki he telefoni peʼe ko he olotinatea feʼāveʼaki kapau ʼe maʼu ai te Neti. Kae ʼi te agamāhani ʼe lelei age takotou lau te ʼu vaega ʼi te Tohi-Tapu. Kapau ʼe mole hakotou telefoni feʼāveʼaki ʼe maʼu ai te Neti, kotou fakamahino kiā ia peʼe feafeaʼi hana lava ʼalu ki tatatou tuʼasila ke ina maʼu te tali ki tana fehuʼi.—Kotou lomiʼi te kupu “La Bible et vous/Questions bibliques” peʼe “Qui sommes-nous/Questions fréquentes.”
Kotou Momoli He ʼAlatike Peʼe Ko He Tohi ʼi Te Neti Ki He Tahi ʼe Kotou ʼIloʼi: Kā kotou faitohi ki he tahi ʼi te Neti, kotou fakapipiki tahi mo he ʼalatike mo ʼona pāki ʼaē neʼe kotou toʼo mai tatatou tuʼasila, ʼo kotou fakaʼaoga te polokalama PDF peʼe EPUB. Peʼe kotou toʼo mai tatatou tuʼasila he tohi neʼe puke, ʼo hiki ki he CD. ʼI te temi fuli pē, ʼaē ʼe kotou momoli ai ʼi te Neti ki he tahi heʼeki papitema ia he tohi, he kaupepa lahi peʼe ko he nusipepa kātoa, ʼe feala ke kotou tohi ʼi takotou pepa tānaki gāue. ʼE mole tonu ke kotou momoli te tohi kae ʼe mole tuʼu ai tokotou higoa pe kotou momoli lahi. Pea ʼaua naʼa kotou momoli ki ʼihi atu ʼu tuʼasila ʼi te Neti.—Kotou lomiʼi te kupu “Publications.”
Fakahā Te ʼu Logo Fakamuli ʼo ʼUhiga Mo Te Kau Fakamoʼoni ʼa Sehova: ʼE tokoni anai te faʼahi ʼaia ki te kau ako Tohi-Tapu pea mo nātou ʼe kotou ʼaʼahi ke natou fakatuputupu tanatou fakafetaʼi ki te lahi ʼaē ʼo tatatou gāue fai fakamafola fakamālamanei pea mo tatatou logotahi Fakakilisitiano. (Pes. 133:1)—Kotou lomiʼi te kupu “Actualités.”
[Paki ʼo te pāsina 5]
(Vakaʼi te nusiepa)
Kotou Fai Ia Te Faʼahi ʼAenī
1 Lomiʼi te kupu “Te ʼu Tohi,” pea kotou kumi te ʼalatike ʼaē ʼe kotou fia hiki, pea kotou filifili peʼe kotou fia lau peʼe kotou fia fagono kiai.
2 Lomiʼi ki te MP3 ke ʼasi te lisi ʼo te ʼu ʼalatike. Filifili te ʼalatike ʼaē ʼe kotou fia hiki peʼe lomiʼi ▸ moʼo fagono kiai ʼi te Neti.
3 Kotou filifili he tahi age lea ʼi te lisi ʼaia mo kapau ʼe kotou fia toʼo he tohi ʼi te lea ʼaia.