Tou Fakaʼaogaʼi Ia Tatatou Tuʼasila ʼAē ʼi Te Neti—Moʼo Tokoni Ki He Tahi ʼe Palalau ʼi He Tahi Age Lea

Kotou Fakahā Age Tatatou Tuʼasila ʼAē ʼi Te Neti: Fakahā age ki ai peʼe feafeaʼi hana lava fakaʼaogaʼi te lisi ʼo te ʼu “Langue” ke sio ki tatatou tuʼasila ʼi te Neti ʼi tana lea. (ʼI ʼihi lea, ʼe mole kātoa ai tatatou pāsina ʼi te Neti.)

Fakahā Ki Ai Te Pāsina ʼi Tana Lea ʼi Te Neti: Fakahā age ki ai he pāsina ʼi ʼatatou tohi, ohagē lā ko te tohi Te Ako Mai Te Tohi-Tapu peʼe ko te kiʼi pepa lotu ʼE Kotou Fia ʼIloʼi Koa Te Moʼoni? Kotou kumi te lea ʼo ia ʼo te ʼapi ʼi te kupu “Lire en.”

Kotou Fakatagi He ʼAlatike Ke Logo Kiai: Kotou kumi he ʼalatike ʼi te lea ʼo ia ʼo te ʼapi ʼe feala ke kotou fakatagi ke logo kiai. Kapau ʼe kotou ako he tahi age lea, pea ʼe kotou hikihiki takotou ako te lea ʼaia ʼaki te fagono ki he ʼalatike ʼi te lea ʼaia kae ʼe kotou lolotoga lau.—Kotou lomiʼi te kupu “Publications/Livres & brochures” peʼe “Publications/Revues.”

Te Fai Fakamafola Ki Te Kau Tuli: Kapau ʼe kotou felāveʼi mo he tahi ʼe tuli, pea kotou fakasio ki ai he kiʼi ʼata ʼi te lea fakatuli lagi ko he kāpite ʼo te Tohi-Tapu, he tohi, he kaupepa lahi peʼe ko he kiʼi pepa lotu.—Kotou lomiʼi te kupu “Publications/Langue des signes.”

[Paki ʼo te pāsina 6]

(Vakaʼi te nusiepa)

Kotou Fai Ia Te Faʼahi ʼAenī

1 Lomiʼi te ▸ ke tagi te ʼalatike ʼaē neʼe kotou filifili (mo kapau ʼe maʼu ʼi takotou lea), peʼe kotou ʼolo ki te kupu “Toʼo” moʼo hiki te ʼalatike ʼaia.

2 Kotou filifili he tahi age lea ʼi te kupu “Lau ʼi Te Lea” moʼo fakahā ʼi te lea ʼaia te pāsina ʼaenī.

3 Lomiʼi te kupu “Tou Hiki” peʼe kotou ʼolo ki te “Te ʼu Kupu Tafito” moʼo lau he tahi age ʼalatike peʼe ko he kāpite.