Kapau ʼe ʼAoga Fakavilivili Atu He Tohi ʼi He Tahi Age Lea

ʼE tou tautau felāveʼi mo te hahaʼi ʼe natou leleiʼia age te lau ʼo ʼatatou tohi ʼi he tahi age lea kae ʼe mole maʼu te ʼu tohi ʼaia ʼi tatatou kōkelekāsio. ʼE feala hakotou maʼu te ʼu tohi ʼaia ʼi te Neti, pea ʼaki hakotou masini tā tohi, ʼe feala ai hakotou tā e koutou he ʼu tohi iā lea e teitei 400? Koʼenī tona faʼahiga fai:

• Kotou ʼolo ki te www.watchtower.org, te site ʼaē ʼe ina fakafofoga ia tātou.

• ʼI te faʼahi mataʼu ʼo te pāsina ʼo te kamataʼaga, ʼe ʼi ai te lisi fakakoga ʼo te ʼu lea. Kotou ʼolo ki te pāki ʼo te kele ke kotou maʼu he lisi kātoa ʼo te ʼu lea ʼaē ʼe kua fakaliliu kiai ʼatatou tohi.

• Kotou filifili te lea ʼaē ʼe ke kotou loto kiai. ʼE kotou sio ai leva ki he tohi ʼi te ʼu tohi ʼaē ʼe kotou fia tā, ohagē lā ko te ʼu kiʼi pepa lotu, mo te ʼu kaupepa lalahi, pea mo he ʼu ʼalatike. Mai tona ʼaluʼaga ʼaē ko te pāsina ʼaia ʼe tuʼu mai ʼi te lea ʼaē neʼe kotou filifili, koia ʼaua naʼa kotou tuʼania mo kapau ʼe mole kotou mahino ki te faʼahiga tohi ʼo te ʼu kupu tāfito.

• Kotou vakaʼi he ʼalatike pē ʼe kotou fia fai kiai. ʼE kotou sio ai leva ki te kupu tāfito ʼo te tohi, peʼe ko te kaupepa, peʼe ko te nusipepa ʼaē ʼe tuʼu ai te ʼalatike, kua feala leva ke kotou tā ʼi takotou masini tā tohi.

ʼE mole maʼu fuli leva ʼi te Neti te ʼu tohi ʼo te lea ʼaia, kae ʼe feala ke kotou maʼu he tahi ʼu tohi ʼo te lea ʼaia ʼi te kōkelekāsio. ʼE kotou fai anai te faʼahi ʼaia moʼo taupau tana fia logo ki te logo, ʼosi ʼaia pea ʼe lelei age hakotou fakaʼui te ʼu tohi ki te tehina ʼe tokaga ki te ʼu tohi ʼo te kōkelekāsio.