He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Sunio

“ ʼE ke iloʼi la pe ko ʼe neʼe fakahigoaʼi ia Sesu ʼi te Tohi-Tapu ko te ʼuluaki tupu ʼo te ʼu meʼa fuli neʼe fakatupu?” Tuku ke fai mai hana tali. ʼOsi ʼaia, fakaha age te pasina fakaʼosi ʼo Te Tule Leʼo ʼo Apelili–Sunio mo lau age ia Kolose 1:15, 16; pea vakaʼi fakatahi mo ia te ʼuluaki palakalafe ʼae ʼe hoa mai ki te lua fehuʼi. Kotou tuku age ki ai te ʼu nusipepa pea mo fai he fakatuʼutuʼu ke kotou toe liliu ʼo vakaʼi fakatahi mo ia te palakalafe ʼae ʼe hoa mai ki ai.

Nota: ʼE tonu ke fai ia te faʼifaʼitaki ʼaeni lolotoga te fono gaue ʼi te uluaki ʼaho ʼo Sunio.

Te Tule Leʼo Apelili–Sunio

“Lolotoga ni sekulo, neʼe ʼi ai te ʼu fihi ʼo ʼuhiga mo te fakatuʼu ake. Kotea la tau manatu ʼo ʼuhiga mo te faʼahi ʼaia? [Tuku ke fai mai hana tali.] Ke ke tokagaʼi te manatu ʼae neʼe tui ki ai ia Sopo. [Lau ia Sopo 14:14, 15.] ʼE fakaha ʼi te ʼu alatike ʼaeni ia te manatu ʼa te Tohi-Tapu ʼo ʼuhiga mo te fakatuʼu ake.”

Réveillez-vous! ʼo Sunio

“ ʼE ma fia iloʼi tau manatu ʼo ʼuhiga mo te manatu ʼaeni. ʼE tou fakaʼamu fuli ki he maʼuli ʼe lelei age. ʼI tau manatu la, ʼe fakalogo koa te lelei ʼo te maʼuli ʼo he tahi ki te lahi ʼo te ʼu meʼa ʼae ʼe ina totogi? [Tuku ke fai mai hana tali.] Ke ke tokagaʼi te manatu maʼuhiga ʼaeni neʼe ui e Sesu. [Lau ia Luka 12:15.] ʼE talanoa te nusipepa ʼaeni ki te manatu fakapotopoto ʼo ʼuhiga mo te maʼu koloa pea ʼe ina foaki he ʼu tokoni ʼaoga ʼo ʼuhiga mo te fakaʼaogaʼi fakapotopoto ʼo te falā.”