He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Sunio

“ʼE ma ʼaʼahi te hahaʼi ke feala hamatou faipalalau ki te fehuʼi ʼaeni.” [Fakaha age te ʼuluaki fehuʼi ʼi te pasina fakamuli ʼo Te Tule Leʼo ʼo Apelili–Sunio.] Kotea la tau manatu?” Tuku ke fai mai hana tali. Pea kotou vakaʼi fakatahi te ʼu palakalafe ʼae ʼe tuʼu ʼi te ʼuluaki fehuʼi pea mo he vaega ʼi te ʼu vaega Tohi-Tapu ʼae ʼe tohi ai. Kotou tuku age ki ai te ʼu nusipepa, pea mo fai he fakatuʼutuʼu ke kotou toe liliu ʼo vakaʼi fakatahi mo ia te fehuʼi ʼae ʼe hoa mai ki ai.

Ko Te Tule Leʼo Apelili–Sunio

“ʼI te ʼaho nei, ʼe ma fia vaevae mo koe ia te vaega Tohi-Tapu ʼaeni [Lau ia Ekelesiasi 8:9.] Kia koe la, ʼe moʼoni koa te ʼu palalau ʼaeni? [Tuku ke fai mai hana tali.] ʼE fakamahino mai ʼi te alatike ʼaeni pe ko ʼe ʼe tuku e te ʼAtua ia te tagata malohi ke ina gaohi koviʼi ia ia ʼae ʼe vaivai.” Fakaha age ia te alatike ʼi te pasina 15.

Réveillez-vous! Sunio

“ʼE kua fakafealagia e te ʼu felogoʼi ʼi te Neti ke lahi age ʼotatou kaumeʼa. Kia koe la, kotea la te kalitate maʼuhiga ʼo he kaumeʼa lelei? [Tuku ke fai mai hana tali.] Koʼeni he tokoni ʼaoga ʼi te Tohi-Tapu ki te faikaumeʼa. [Lau ia Sakopo 1:19.] ʼE fakaha ʼi te nusipepa ʼaeni ia te ʼu pelesepeto ʼe fa ʼe lava tokoni mai ke tou agafakakaumeʼa.”