He Fakaafe Makehe
1. Ko ʼafea ʼae ka kamata ai te tufa ʼo te pepa fakaafe ki te ʼu fakatahi lalahi ʼo te taʼu 2014?
1 Kapau la ʼe kotou fakatuʼutuʼu he kaitahi lahi, ʼe kau anai ki ai ʼokotou kaumeʼa pea mo tokotou famili, ʼe faigataʼa tona teuteuʼi. Koia ka kotou fakaafe anai natou, ʼe kotou fai anai ʼaki he lotofiafia. ʼE tatau anai mo te fakatahi fakatisitilike pea mo te ʼu fakatahi fakamalamanei ʼo te taʼu 2014, ʼe lahi te ʼu fakatuʼutuʼu ʼe fai anai mo ʼona teuteuʼi. Ia vahaʼa ʼe tolu ʼi muʼa ʼo te kamata ʼo te fakatahi, ʼe tou fakaafe anai te hahaʼi ki te fakatahi ʼaia. Kotea ʼae ka tokoni mai anai ke tou fakaafe te hahaʼi ʼaki he lotofiafia?
2. Kotea ʼae ʼe ina uga anai tatou ke tou lagolago malohi ki te tufa?
2 ʼE tou fia lagolago malohi anai ki te tufa mo kapau ʼe tou fakakaukau ʼaki he lotofakafetaʼi ki te ʼu lelei fakalaumalie ʼae ʼe foaki mai e Sehova ʼi ʼatatou fakatahi. (Esa. 65:13, 14) Pea tahi, ʼe tonu ke tou fakakaukauʼi te ʼu fua ʼo tatatou tufa. ʼE ʼi ai ʼihi ʼe tou fakaafe ʼe kau anai mo tatou ki te fakatahi. Tatau aipe peʼe tali anai e te hahaʼi peʼe kailoa, kaʼe lolotoga te tufa ʼe tou vikiʼi anai ia Sehova ʼaki ʼatatou faiga pea mo tou fakaha ai he lotofoaki ohage ko ia.—Pes. 145:3, 7; Apk. 22:17.
3. ʼE tou tufa feafeaʼi anai ia te ʼu pepa fakaafe?
3 ʼE ko te ʼu kolesi ʼo te kau tagata ʼafeā ʼo te ʼu kokelekasio ʼae ʼe tonu ke natou fakatuʼutuʼu te tufa ʼo te ʼu pepa fakaafe, peʼe tonu ke tuku te ʼu pepa ʼi te ʼu ʼapi ʼae ʼe lavaki, peʼe tonu ke tufa ʼi te fagonogono faigamalie. ʼI te ʼu fakaʼosi vahaʼa, ʼe tonu anai ke tufa tahi te ʼu nusipepa pea mo te pepa fakaafe, mo kapau ʼe feala. Kapau ʼe to ia te ʼuluaki Moeaki ʼo te mahina lolotoga te temi tufa, ʼe tonu anai ke tou tokakaga muʼa ki te tufa ʼo te pepa fakaafe kaʼe mole ki te kamata ʼo he ako Tohi-Tapu. Ka ʼosi te temi tufa, ʼe tou fiafia anai he neʼe tou lagolago malohi ki ai pea mo fakaafe ia te tokolahi ke natou fakatahi mo tatou ki te kaitahi fakalaumalie ʼae neʼe fakatuʼutuʼu e Sehova.