ʼO Maio Te Tufa ʼo Te Pepa Fakaafe Ki Te Fakatahi Lahi

ʼI te taʼu fuli, ʼe tou fakatalitali mo he fakaʼamu lahi ki ʼatatou fakatahi fakafenua. Koia, ʼe tou fakaafe anai ia he hahaʼi kaugā malie ki te fakatahi ke feala hanatou mahino ko Sehova ʼe lelei. (Pes 34:9) ʼE fakatuʼutuʼu anai e te komite ʼo te kau tagata ʼafeā pe ʼe feafeaʼi hanatou tufa te ʼu pepa fakaafe ki te tokolahi. (Kapau ʼe heʼeki kotou maʼu te ʼu pepa fakaafe, kotou fai te faʼifaʼitaki moka kua kotou maʼu.)

TE ʼU MANATU TAFITŌ

• ʼE kamata ʼafea te fakatahi lahi?

• ʼE kamata ʼafea te tufa ʼo te pepa fakaafe?

• Kotea te ʼu hola ki te faifakamafola?

• Kotea ʼaku fakatuʼutuʼu ki te tufa ʼo te pepa fakaafe ʼaia?

• Ko ai anai ʼae ʼe au fakaafe?

KOTEA ʼE KE UI ANAI?

Hili tau fai te ʼu fakamalō, ʼe feala ke ke ui fenei:

“ ʼE ma kau ki te tufa ʼo te ʼu pepa fakaafe ʼe fai ʼi te malamanei katoa, ki he toʼotoʼoga ʼe maʼuhiga ʼaupito. ʼE tohi ʼi te pepa fakaafe ʼaeni te ʼaho, mo te hola pea mo te koga meʼa ʼae ka fai ai anai te fakatahi. ʼE matou fiafia anai ʼi te fakatalitali ʼo koe.”

ʼE FEAFEAʼI HAU FAKATUPU TE FIA LOGO ʼA TE HAHAʼI?

ʼE tonu ke tou fakatuputupu te fia logo ʼa he tahi moka fia faipalalau, logo la ʼe tou fia fakaafe he hahaʼi tokolahi ki te fakatahi lahi ʼaia.

ʼI te ʼu fakaʼosi vahaʼa, ʼe feala ke tou tufa fakatahi te ʼu nusipepa mo te ʼu pepa fakaafe.