ʼE Feafeaʼi Hatatou Nonofo Faʼa Fai ʼi Te Faifakamafola?

ʼE tonu ke tou haga nonofo faʼa fai ʼi te faifakamafola heʼe ʼaoga ke haofaki ai tatou ʼi te fakaʼosi ʼo te tuʼu ʼaeni. ʼE feala ke tou taupau maʼu tatatou faʼa fai ʼi te faifakamafola ʼaki tatatou vakaʼi ia te ʼu fakamanatu ʼaeni.

• Tou faikole tuʼumaʼu ʼo ʼuhiga mo te Puleʼaga.—Mat. 6:10.

• Tou puipui totatou loto ʼaki tatatou lau ia te Tohi-Tapu ʼi te ʼaho fuli.—Hep. 3:12.

• Tou fakaʼaogaʼi fakapotopoto ia totatou temi.—Efe. 5:15, 16; Filp. 1:10.

• Tou taupau he mata “e lelei.” ʼAua naʼa tou tuku ke fakaleluʼi tatou e te ʼu holi ʼo te malamanei.—Mat. 6:22, 25; 2 Tim. 4:10.

• Tou nonofo tokakaga ʼo tou vakavakaʼi lelei ia te fakahoko ʼo te ʼu lea fakapolofeta ʼae ʼi te Tohi-Tapu.—Mko. 13:35-37.

Kapau ʼe tou nonofo faʼa fai ʼi te faifakamafola pea ʼe ina uga anai tatou ke tou fakahoko ia te gaue ʼo kaku ki hona fakaʼosi.—Soa. 4:34, 35.