He Faʼifaʼitaki ʼo He ’u ʼUluaki Palalau

Moʼo Kamata He ’u Ako Tohi-Tapu ʼi Te ʼUluaki Moeaki ʼo Novepeli

“Kotea la tau manatu ʼo ʼuhiga mo te fehuʼi maʼuhiga ʼaeni. [Lau ia te lua fehuʼi ʼo te pasina fakaʼosi ʼo Te Tule Leʼo ʼo Oketopeli–Tesepeli.] Kotea la tau manatu? [Lau te ʼu palakalafe ʼe lua ʼae ʼe tuʼu ʼi te lalo fehuʼi pea mo he vaega Tohi-Tapu ʼi te ʼu vaega ʼae ʼe tohi ai.] ʼE feala la haku toe liliu mai ke hoko atu tatā faipalalau pea mo vakaʼi fakatahi pe ʼe lava puipui feafeaʼi tatou mai te kau ʼaselo agakovi?”

Ko Te Tule Leʼo Oketopeli–Tesepeli

“ ʼE ke manatu koa ʼe haga te tagata ʼo maumauʼi te kele pea ʼe mole kei feala ke ina fakatokatoka te faʼahi ʼaia? [Tuku ke fai mai hana tali.] ʼE mole feala ki te tagata ke ina fakatokatoka ia te ʼu aluʼaga ʼae neʼe ina fai. Kaʼe ʼe ui ʼi te Tohi-Tapu ʼe feala ki te ʼAtua ke ina fai te faʼahi ʼaia pea ʼe loto ia ki ai. ʼE tou maʼu ia te fakapapau ʼaia ia Pesalemo 65:10. [Lau.] ʼE fakaha ʼi te alatike ʼo Te Tule Leʼo ʼaeni pe ʼe tokaga feafeaʼi anai te ʼAtua ki te kele pea ʼe tou maʼu feafeaʼi anai ia te ʼu tapuakina ʼi te ka haʼu. ʼE feala la haku tuku atu ke ke laulau?” Fakaha age te alatike ʼi te pasina 11.

Réveillez-vous! Novepeli

“ ʼE tou loto fuli ke tou fiafia kaʼe tokolahi ia ʼaho nei ʼe natou maʼuli mamahi. ʼI tau manatu la, kotea ʼe ina lava taki tatou ki he maʼuli fiafia? [Tuku ke fai mai hana tali.] Tokolahi neʼe natou maʼu ʼi te Tohi-Tapu he takitaki ʼe feala ke tokoni ai kia natou ke natou maʼu he maʼuli fiafia. Ohage la, ʼe fakaha ʼi te Tohi-Tapu. [Lau ia Hepeleo 13:5.] ʼE fakaha ʼi te nusipepa ʼaeni ia puani ʼe fa ʼe fakatafito ki te Tohi-Tapu, ʼe tokoni mai ai ke tou maʼu he maʼuli fiafia moʼoni.”