Ke Lelei Age Tatatou Minisitelio​—Fakamafola Ki He Tahi ʼe Palalau ʼi He Tahi Age Lea

He Koʼe ʼe Maʼuhiga? ʼE tokagaʼi e Sehova ia te maʼuli fakalaumalie ʼa te hahaʼi “i te [ʼu] puleaga fuli.” (Gaue 10:34, 35) Koia, neʼe ui ai e Sesu ʼe fakamafola anai ia te logo lelei “i te malamanei katoa” pea mo “te u puleaga fuli.” (Mat. 24:14) Neʼe fakakikite e Sakalia ʼe tali anai e te hahaʼi mai te ʼu “lea kehekehe fuli” ia te moʼoni. (Sakl. 8:23) Ohage ko te fakakikite ʼae neʼe ha ki te apositolo ko Soane, ko natou ʼae ka hao anai ʼi te mamahi lahi ʼe ko he ʼu hahaʼi ʼe ʼomai mai “te u puleaga fuli, mo te u faahiga fuli, mo te u hahai fuli, mo te u lea fuli.” (Apk. 7:9, 13, 14) Koia ʼaki te ʼu manatu ʼae neʼe tou vakaʼi, moka tou felaveʼi mo he tahi ʼe palalau ʼi he tahi age lea, ʼe tou faiga anai ke tou faifakamafola kia ia.